الاش كوسەمىن ارداقتادى

تاعىلىمدى شارانى وت­كى­زۋگە ۇيىتقى بولعان – «Alash.kz» ۇلتتىق پورتالى. ءىس-شارا با­رىسىندا زيالى ازاماتتار الاش كوسەمىنىڭ ءومىر جولى مەن ەڭ­بەگىنە توقتالىپ, پاراساتتى وي ءور­بىت­تى. رەسپۋبليكالىق «اردا­گەرلەر ۇيىمى» ورتا­لىق كەڭەسى توراعاسىنىڭ ءبى­رىنشى ورىنباسارى ومىرزاق وز­عان­باي ۇلت مۇددەسى جولىن­دا با­سىن بايگەگە تىككەن تۇلعا­لا­رىمىزدى ۇلىقتاۋ – ەل­دى­گىمىزدىڭ بەلگىسى ەكەنىن ايتتى.

«الەكەڭ «حان بالاسىندا قازاقتىڭ حاقىسى بار. ءتىرى بولسام, قازاققا قىزمەت قىل­ماي قويمايمىن», دەپ بەكەر ايتقان جوق. ول بارلىق سا­نالى عۇمىرىن حالقىمىزعا قىزمەت ەتۋگە ارنادى. سول ۇس­تانىمنان ەشقاشان تايعان ەمەس. قانداي قايسارلىق! ەل مۇددەسى جو­لىندا قىرۋار جۇمىس ات­قاردى. الاش اۆتونومياسىن قۇ­رىپ, الاشوردا ۇكى­مەتىنىڭ توراعاسى بولدى. 20-جىل­داردىڭ ورتاسىندا ەكى رەت تۇت­قىندالىپ, تۇرمە ازا­بىن تارتتى. ودان كەيىن ماس­كەۋگە جەر اۋدارىلىپ, ون جىل­دان اسا مىرزاقاماقتا وتىر­دى. وسىنىڭ ءبارى ۇلت كو­سە­مىن مويى­تا المادى», دەدى ول.

ال الاشتانۋشى عالىم تۇرسىن جۇرتباي قىتىمىر قىستىڭ وزەگىنەن شىعىپ, كوك­تەمگە بەت العان ماۋسىم سە­كىل­دى الاش قوزعالىسى دا قات­تى قىسپاقتان, جانشۋدان, سانا­لىق قۇلدىقتان, قالىڭ قار­­دىڭ استىندا قالعان قازاق­تىڭ تامىرىن وياتىپ, كەلەشەك­كە باس­­تا­عانىن بەينەلەپ جەت­كىزدى.

«سونىڭ ىشىندە ءبىز تاعزىم ەتىپ وتىرعان ۇلت كوسەمى دارە­جە­سىنە كوتەرىلىپ, ەلىن ەرتەڭگە بەت ال­دىرعان ءاليحان بوكەيحان سەكىلدى ساياسي تۇلعالار وعان دەيىن دە, ودان كەيىن دە قازاق ساحاراسىندا ءالى شىققان جوق», دەسە, قوعام قايراتكەرى ءاليحان بايمەنوۆ ايتۋلى تۇلعانىڭ بەكزات بولمىسى مەن ەڭبەگى تۋرالى اڭگىمەلەدى.

بۇدان كەيىن ءىس-شارا شا­ھار­داعى ءا.بوكەيحان اتىن­داعى №76 مەكتەپ-ليتسەيى مەن «قارا شاڭىراق» قوعام­دىق بىرلەستىگى وتكىزگەن «رۋح­قا تاع­زىم» اتتى كەشكە جالعاس­تى. وندا الاش ارىسى تۋعان توپى­راقتا ومىرگە كەل­گەن ولكە­تانۋشى تۇڭعىشباي مۇ­­قان قاريامەن مەكتەپ مۇعا­لىمدەرى مەن وقۋشىلار كەزدە­سىپ, سۇحباتتاستى. سونداي-اق ولارعا ت.مۇقان اعامىزدىڭ اۆتور­لىعىمەن شىققان ء«الي­حان بوكەيحان – ۇلت-ازاتتىق كۇرەسكەرى» اتتى دەرەكتى فيلم كورسەتىلدى.