ۇلتتىق قاۋىپسىزدىك كوميتەتى «جۇتقىشتار» دەپ اتالاتىن قازاقستانعا ەسىرتكى جەتكىزۋدىڭ كەزەكتى كونتراباندالىق ارناسىنىڭ جولىن كەستى, دەپ حابارلايدى Egemen.kz.
اقتاۋ قالاسىنىڭ حالىقارالىق اۋەجايىندا بيىلعى جىلدىڭ 21 اقپان كۇنى ماڭعىستاۋ وبلىسى بويىنشا ۇقكد جەدەل ۋاكىلدەرىمەن شەكاراشىلار ەتد قىزمەتكەرلەرىمەن ءوزارا ارەكەتتەسە ەسىرتكى تاسىمالداۋ كۇدىگى بويىنشا ەكى شەتەلدىك ازاماتتى ۇستادى.
«رەنتگەنوسكوپيالىق زەرتتەۋ ولاردىڭ ءىش قۋىسىندا بوگدە زاتتاردىڭ بارىن كورسەتتى. ارنايى مەديتسينالىق پروتسەدۋرالارمەن شەتەلدىكتەردىڭ ازقازاندارىنان گەروين جانە سينتەتيكالىق ەسىرتكى بار 30-دان استام كونتەينەر الىندى», دەپ حابارلادى ۆەدومستۆودان.
الىنعان زاتتاردىڭ جالپى سالماعى شامامەن 1 كگ بولدى. سوت شەشىمىمەن فيگۋرانتتاردى قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. قىلمىستىق كودەكستىڭ 286-بابى 4-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
«وزگە اقپارات قىلمىستىق-پروتسەستىك كودەكستىڭ 201-بابى 1-بولىگىنە سايكەس جاريا ەتىلمەيدى», دەپ قوستى ۆەدومستۆو وكىلدەرى.