الماتىدا اۆتوبۋس جۇرگىزۋشىسى رولگە يە بولا الماي, كوپىردىڭ بەتون تىرەگىنە سوعىلىپ قالدى, جاراقات العاندار بار, دەپ حابارلايدى Egemen.kz.
قالالىق پوليتسيا دەپارتامەنتىنىڭ ءباسپاسوز قىزمەتى tengrinews.kz پورتالىنا حابارلاعانداي, وقيعا 5 ناۋرىز كۇنى ساعات 6:45-تە ءسۇيىنباي داڭعىلى مەن شولوحوۆ كوشەسىنىڭ قيىلىسىندا بولعان.
«جەكە تاسىمالداۋشىعا تيەسىلى قوعامدىق كولىكتىڭ جۇرگىزۋشىسى 1966 جىلى تۋعان ازامات ءسۇيىنباي داڭعىلىمەن سولتۇستىك باعىتتا كەلە جاتىپ, شولوحوۆ كوشەسىمەن بۇرىلىستا ءرۋلدى باسقارا الماي, كوپىردىڭ بەتون تىرەگىنە سوعىلعان. وقيعا سالدارىنان ءتورت جولاۋشى جاراقات الىپ, مەديتسينالىق كومەككە جۇگىندى», دەپ حابارلادى پوليتسيا.
وقيعا دەرەگى بويىنشا الماتى قالالىق ءىىد تەرگەۋ ءبولىمى سوتقا دەيىنگى تەرگەۋدى باستاپ, ءتيىستى ساراپتامالار تاعايىندالدى.