• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
قوعام 27 اقپان, 2024

ءۇش كۇندە مال ۇرىلارىنىڭ 12 قىلمىستىق توبى ۇستالدى

132 رەت
كورسەتىلدى

رەسپۋبليكا اۋماعىندا ءىىم «مال ۇرلىعى» جەدەل-پروفيلاكتيكالىق ءىس-شاراسىن وتكىزدى, دەپ حابارلايدى Egemen.kz Polisia.kz-كە سىلتەمە جاساپ.

– وپەراتسيانى جۇرگىزۋگە 4 مىڭنان استام پوليتسيا قىزمەتكەرى مەن اۋىل شارۋاشىلىعى باسقارمالارىنىڭ 400 مامانى جۇمىلدىرىلدى. ۇرلانعان مال مەن ەت ونىمدەرىن ساتۋ فاكتىلەرىن انىقتاۋ ءۇشىن 3,5 مىڭنان استام ەت بازارلارى, پاۆيلوندار جانە مال سويۋ تسەحتارى تەكسەرىلدى. ءۇش كۇندە 141 مال ۇرلىعى اشىلىپ, 94 ادام ۇستالدى. ونىڭ ىشىندە 12 قىلمىستىق توپ بار. 360-تان استام ۇرلانعان مال باسى تابىلىپ, يەلەرىنە قايتارىلدى. سونىمەن قاتار ۆەتەريناريا سالاسىندا 800-گە جۋىق قۇقىق بۇزۋشىلىق جانە اۋىل شارۋاشىلىعى جانۋارلارىن جايۋ ەرەجەلەرىن بۇزۋدىڭ 2 مىڭعا جۋىق فاكتىسى انىقتالدى. بۇل باعىتتاعى جۇمىس جالعاسىپ جاتىر, – دەدى دەپارتامەنت باستىعى – ءىىم رەسمي وكىلى شىڭعىس الەكەشەۆ.

سوڭعى جاڭالىقتار