مەملەكەت باسشىسىنا جاڭا تەحنولوگيالاردى پايدالانا وتىرىپ, ءسۇت وڭدەۋمەن جانە ءسۇت ونىمدەرىن شىعارۋمەن اينالىساتىن كاسىپورىننىڭ جۇمىسى جونىندە مالىمەت بەرىلدى. كورپوراتسيا 100-دەن استام تاۋار ءتۇرىن شىعارادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
بۇگىندە كومپانيا ءوتىمدى اۋىل شارۋاشىلىعى ونىمدەرىنىڭ ۇلەسىن ارتتىرىپ, ەكسپورت كولەمىن ۇلعايتۋعا كۇش سالىپ وتىر.
كورپوراتسيانىڭ يەلىگىندە 4 شارۋاشىلىق, سونىڭ ىشىندە سيىرلاردى اۆتوماتتى تۇردە ساۋعا جانە جەمدەۋگە ارنالعان قۇرىلعىمەن جابدىقتالعان روبوتتى فەرما بار. بۇعان قوسا, كاسىپورىن ءونىم شىعارۋ ءۇشىن وڭىردەگى 22 ەلدى مەكەننەن ءسۇت جينايدى.
قاسىم-جومارت توقاەۆ كاسىپورىن جۇمىسشىلارمەن اڭگىمەلەسىپ, قازىرگى اۋىل شارۋاشىلىعى جوعارى تەحنولوگيالىق سالاعا اينالۋى كەرەك ەكەنىن اتاپ ءوتتى. سونداي-اق كومپانيا ۇجىمىنا تابىس تىلەدى.