وسى جىلدىڭ 23 قاڭتارىنان بەرى 8 مىڭ جەر سىلكىنىسى تىركەلدى, دەپ جازادى Egemen.kz سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعىنا سىلتەمە جاساپ.
«بۇگىن الماتىدا ساعات 10:14-تە جەر سىلكىنىسى تىركەلدى. ايتا كەتۋ كەرەك, بۇل 23 قاڭتاردا بولعان قاتتى جەر سىلكىنىسىنىڭ افتەرشوگى. 23 قاڭتاردان بەرى ءبىز 8 مىڭنان استام جەر سىلكىنىسىن تىركەدىك. سونىڭ ىشىندە 100-دەن استامىنىڭ ماگنيتۋداسى 5-تەن جوعارى بولدى. تەك 20 جەر سىلكىنىسى عانا تۇرعىندارعا سەزىلدى», دەدى سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعىنىڭ ديرەكتورى داۋلەت سارسەنباەۆ.