سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك جونىندەگى كوميتەتىنىڭ دەپۋتاتتارى بيزنەستى جۇرگىزۋ ماسەلەلەرى جونىندەگى زاڭدى كەڭەيتىلگەن وتىرىستا تالقىلادى.
زاڭ كاسىپكەرلىك قىزمەتتى رەتتەۋ مەن قورعاۋعا, بيزنەسكە اكىمشىلىك جۇكتەمەسىن ازايتۋعا, تۇتىنۋشىلاردىڭ, كاسىپكەرلەر مەن مەملەكەت مۇددەسىنىڭ تەپە-تەڭدىگىن قامتاماسىز ەتۋگە باعىتتالعان. قۇجاتتا جالپى 114 زاڭنامالىق اكتىگە, ونىڭ ىشىندە 12 كودەكسكە جانە 102 زاڭعا وزگەرىستەر مەن تولىقتىرۋلار ەنگىزۋ كوزدەلىپ وتىر.
ماسەلەن, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس جۇرگىزۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ كاسىپكەرلىك قىزمەتتى جۇرگىزۋ جاعدايىن جاقسارتۋ, مەملەكەتتىك باقىلاۋ جۇيەسىن رەتكە كەلتىرۋ, ولاردىڭ اشىقتىعىن ارتتىرۋ, ساۋدا نارىعىن جاڭعىرتۋ مەرزىمدەرىن 2026 جىلعى 1 قاڭتارعا دەيىن ۇزارتۋ جونىندەگى تۇزەتۋلەردى قامتيدى.
سونىمەن قاتار قۇجاتتا ماڭىزى جوق تالاپتاردى قىسقارتۋ, بيزنەسكە رۇقسات بەرۋدەگى ارتىق قۇجاتتار مەن راسىمدەردى الىپ تاستاۋ ارقىلى كاسىپكەرلىك قىزمەتتى جۇرگىزۋ جانە دامىتۋ جاعدايىن جاقسارتۋ جونىندەگى ەرەجەلەر جازىلعان.