الماتىدا 18 اقپان كۇنى بالا ءومىرىن سۋدان قۇتقارۋ كەزىندە كورسەتكەن باتىلدىعى مەن جانقيارلىعى ءۇشىن مەملەكەتتىك كۇزەت قىزمەتىنىڭ قىزمەتكەرلەرى «سۋعا باتقانداردى قۇتقارعانى ءۇشىن» مەدالىمەن لەيتەنانت ابيروۆ سەرىك ماراپاتتالدى. پودپولكوۆنيك قاسەنوۆ تالعات پەن مايور ءىلياس سەرىك قر تجم العىس حاتىن الدى. مينيستر اتىنان ماراپاتتى الماتى قالاسى تج دەپارتامەنتىنىڭ باستىعى پولكوۆنيك نۇرلان اتىعاەۆ تابىستاپ, العىس ءبىلدىردى. سونداي-اق بالانىڭ اكەسى تجد-عا ارنايى كەلىپ, قۇتقارۋشىلارعا وتباسىنىڭ اتىنان العىس ايتتى, دەپ حابارلايدى Egemen.kz.
تجم ءباسپاسوز قىزمەتىنىڭ ءمالىم ەتۋىنشە 18 اقپان كۇنى ساعات 17:00 شاماسىندا قوعامدىق باسسەين اۋماعىندا ادامدار شامامەن 5-6 جاسار بالانىڭ سۋعا باتىپ كەتكەندىگىن حابارلاپ, كومەك سۇراعان. تاباندىلىقپەن مكق قىزمەتكەرلەرى دەرەۋ العاشقى كومەك كورسەتە باستاعان. بالا ەس-ءتۇسسىز جاتقان ەكەن. لەيتەنانت ابيروۆ سەرىك اۋەلى, كاروتيد ارتەرياسىنداعى ءپۋلستى تەكسەرىپ, ونىڭ جوقتىعىن انىقتادى, ياعني بالا تىنىس المادى. اۋىز قۋىسىندا بوگدە زاتتاردىڭ جوقتىعىنا كوز جەتكىزىپ, جۇرەك-وكپە رەانيماتسياسىنا كىرىستى. بارلىق امالدار ءابىروۆ سەرىكتىڭ باسشىلىعىمەن جاساندى تىنىس بەرۋ ادىسىمەن جۇرگىزىلدى, ال قاسەنوۆ تالعات پەن ءىلياس سەرىك كەۋدە قۋىسىن قىسۋدى جۇرگىزدى. بىرنەشە ارەكەتتەن كەيىن بالا جوتەلىپ, تىنىس الدى.
وسىلايشا قىزمەتكەرلەردىڭ شۇعىل ءارى سەنىمدى ارەكەتتەرى ارقاسىندا بالا قۇتقارىلدى.
سول كۇندەرى الماتى قالاسىندا مكق قىزمەتتىك ءىسساپاردا بولعانىن اتاپ وتكەن ءجون.