يراننىڭ باس قالاسى تەگەراندا جەڭىل اتلەتيكادان جابىق كەشەندەگى XI ازيا چەمپيوناتى مارەسىنە جەتتى. قازاقستان سپورتشىلارى 4 التىن, 2 كۇمىس, 6 قولا, بارلىعى 12 مەدال ەنشىلەدى, دەپ حابارلايدى Egemen.kz.
تۋريزم جانە سپورت مينيسترلىگى ءباسپاسوز قىزمەتىنىڭ ءمالىم ەتۋىنشە شەشۋشى جارىس كۇنى ەستافەتادا (4*400 م) ەلىمىزدىڭ ەرلەر (اندرەي سوكولوۆ, ەلنور مۋحيتدينوۆ, ەفيم تاراسوۆ, ۆياچەسلاۆ زەمس) جانە ايەلدەر قۇراماسى (ادەلينا زەمس, اننا شۋميلو, ماريا شۋۆالوۆا, كريستينا كوندراشوۆا) توپ جاردى. ونىڭ الدىندا ەليزاۆەتا ماتۆەەۆا (بيىكتىككە سەكىرۋ) مەن داۆيد ەفرەموۆ (60 م كەدەرگىلەر ارقىلى جۇگىرۋ) چەمپيون اتانعان بولاتىن.
كۇمىس جۇلدەگە قول جەتكىزگەندەر: يۆان يۆانوۆ (يادرو لاقتىرۋ), ولگا سافرونوۆا (60 م جۇگىرۋ);
قولا جۇلدەگەرلەر: ايانا بولاتبەكقىزى (1500 م جۇگىرۋ), ماريا ەفرەموۆا (3 قارعىپ سەكىرۋ), اقبايان مۇرمامەت (800 م جۇگىرۋ), الينا چيستياكوۆا (كوپسايىس) ەفيم تاراسوۆ (400 مەتر جۇگىرۋ), ماكسيم فرولوۆسكي (3000 مەترگە جۇگىرۋ);
بارلىعى 29 اتلەت ەل نامىسىن قورعادى.
بىلتىر جابىق كەشەندەگى ازيا چەمپيوناتى استانا قالاسىنداعى Qazaqstan جەڭىل اتلەتيكا كەشەنىندە وتكەن. ول كەزدە ۇلتتىق قۇراما 6 التىن, 3 كۇمىس, 3 قولا مەدالمەن جالپى ەسەپتە 2-ورىن العان ەدى.