الماتى قالاسىنىڭ ءورت ءسوندىرۋشى قىزمەتكەرلەرى ورتەنىپ جاتقان كوپقاباتتى ۇيدەن 17 ادامدى قۇتقاردى, دەپ حابارلايدى Egemen.kz.
توتەنشە جاعدايلار مينيسترلىگىنىڭ مالىمەتىنشە, 19-نان 20 اقپانعا قاراعان ءتۇنى مەگاپوليستىڭ بوستاندىق اۋدانىنداعى وتەپوۆا كوشەسىندەگى 13 قاباتتى تۇرعىن ءۇيدىڭ ەكىنشى قاباتىنداعى پاتەردە ءورت شىققان. ءورت سوندىرۋشىلەر 17 ازاماتتى ەۆاكۋاتسيالادى. ءورت شامامەن ءبىر ساعاتتا ءسوندىرىلدى. قۇرباندار مەن زارداپ شەككەندەر جوق.
وقيعا ورنىندا 35 ادام, 11 تەحنيكا جۇمىلدىرىلىپ, قالالىق توتەنشە جاعدايلار قىزمەتى جۇمىس ىستەدى.