جاستار اراسىندا كەڭىنەن تانىمال بولعان "جەزدۋحا" سەريالىنىڭ تولىقمەتراجدى ءفيلمى ۇلكەن ەكرانعا جول تارتتى, دەپ حابارلايدى Egemen.kz.
“حابارlike” باعدارلاماسىنا قوناق بولعان جوبانىڭ اۆتورلارى – “ميلليون” كومانداسى فيلمگە قانشا قاراجات جۇمسالعانىن مالىمدەدى. سونىمەن قاتار ەڭ قىمبات قالاماقى العان اكتەرلاردىڭ دا اتىن اتادى.
- ارقادان اۋىر جۇك تۇسكەندەي كۇيدە ءجۇرمىز. ءبىر جاعى قۋانامىز. ۋايىم دا باسىم. "جاساعان دۇنيەمىز ەلدىڭ كوڭىلىنەن شىعار ما ەكەن؟” دەگەن كۇدىك تە بار. ەندى عانا ۇلكەن ەكرانعا جول تارتتى, باستاماسى جامان ەمەس سەكىلدى. شىمكەنتتىكتەرگە ۇنادى دەپ ەستىپ جاتىرمىز. ونەر ورداسى الماتى مەن استانا قالاي قارسى الادى ەكەن؟ تولىقمەتراجدى فيلم ءتۇسىرۋ يدەياسىن كورەرمەننىڭ ءوزى ۇسىندى. 170 ميلليون تەڭگەگە تۇسىردىك. 70 ميلليوندى قارىزعا الدىق. بيزنەستە جۇرگەن اعالارىمىز دەمەۋشى بولدى, – دەدى كوماندا مۇشەسى قانات تاسحان.
سونىمەن قاتار, فيلمگە تۇسكەن گونورارى ەڭ قىمبات اكتەر تۇڭعىشباي جامانقۇلوۆ ەكەن. ول 10 سەكۋندتىق ساحنا ءۇشىن 800 مىڭ تەڭگە العان.
- ءتۇسىرىلىم باس-اياعى 30 مينۋتقا سوزىلدى. ول فيلمدە 10 سەكۋندتىق كورىنىس بولدى. قانشا جىلدان بەرى ونەردە جۇرگەن ادام بولعان سوڭ, قانشا تەڭگە ايتسا دا, بەرۋگە دايىن بولدىق. ەڭ قىزىعى, سول اعامىزدىڭ ايتقان ازىلىنە حالىق قاتتى كۇلدى. فيلمگە اتسالىسقان بارلىق ءارتىستى رەنجىتپەۋگە تىرىستىق. سالتانات سەركەباەۆاعا 1 ميلليون 800 مىڭ تەڭگە تولەدىك, نىشانبەك اعامىز 2 ميلليون تەڭگەدەن جوعارى الدى. ويتكەنى, ول ءتۇسىرىلىم الاڭىندا كوپ ەڭبەك ەتتى, – دەدى جوبا اۆتورلارى.