الماتىداعى №2 قالالىق پەريناتالدىق ورتالىعىندا ۇلۋ جىلىنىڭ العاشقى ۇشەمدەرى جارىق دۇنيەگە كەلدى. تاياۋ كۇندەرى تولعاعى باستالعان كەلىنشەك پەريناتالدىق ورتالىققا شۇعىل تۇردە جەتكىزىلىپ, بارلىق قاجەتتى اسپاپتىق تەكسەرۋلەردەن وتكەننەن كەيىن, كەسار تىلىگى جاسالدى.
ءساتتى وتكەن كەسار وپەراتسياسىن ءوز ءىسىنىڭ مايتالماندارى – حيرۋرگتەر – ازامات ەرجانوۆ پەن باقىت ابىشەۆا جۇرگىزدى. وسىلايشا, سالماعى 2360 جانە 2420 گرامم بولاتىن ەكى ۇل, 2050 گرامم قىز بالا دۇنيەگە كەلدى.
ۇلداردىڭ ءبىرى تۋىلعاننان كەيىن جاعدايعا بايلانىستى ءبىر اپتا بويى رەانيماتسيا بولىمىندە نەوناتولوگتاردىڭ تاۋلىك بويى باقىلاۋىندا بولىپ, بارلىق قاجەتتى مەديتسينالىق ەمدەۋ جۇرگىزىلدى. قالعان ەكى نارەستەنىڭ جاعدايى قالىپتى بولعاندىقتان, پاتولوگيا بولىمىندەگى اناسىنىڭ جانىندا بولدى.
ۇشەم تاپقان انا مەديتسينا قىزمەتكەرلەرىنە العىسىن جاۋدىرىپ: «جوعارى كاسىبيلىكتىڭ, ەرەكشە قامقورلىق تانىتقاندارىڭىزدىڭ ارقاسىندا ۇشەۋىن دە امان-ەسەن ومىرگە اكەلدىم. بارلىق مەديتسينا قىزمەتكەرىنە وسىنداي قيىن دا جاۋاپتى ەڭبەگى ءۇشىن شىن جۇرەكتەن العىس بىلدىرگىم كەلەدى! دارىگەرلەردىڭ ارقاسىندا بالالارىم مىنە, مەنىمەن بىرگە, بۇگىن ۇيگە شىققالى وتىرمىز», دەيدى.