اباي وبلىسى كوكپەكتى اۋدانىندا قار قۇرساۋىندا قالعان 140 ادام قۇتقارىلدى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
ساعات 15:55-تەگى مالىمەت بويىنشا اباي وبلىسى كوكپەكتى اۋدانىندا قار قۇرساۋىندا قالعان 140 ادام قۇتقارىلىپ, ەۆاكۋاتسيالاندى. ولاردىڭ بارلىعى قالباتاۋ اۋىلىنا جەتكىزىلدى. شۇعىل مەديتسينالىق كومەك قاجەت بولعان جوق. ۋاقىتشا جىلىتۋ پۋنكتىنە ورنالاستىرىلدى. اۆاريالىق-قۇتقارۋ جۇمىستارى ءالى دە جالعاسادى.
ەسكە سالايىق, بۇگىن تاڭەرتەڭ اباي وبلىسىندا 100-دەن استام كولىك كەپتەلىستە تۇرىپ قالعانىن حابارلاعان ەدىك. كەيىنىرەك ساعات 13:15-تە مي-8 تىكۇشاعىنىڭ كومەگىمەن قالباتاۋ اۋىلىنا 29 ادام ەۆاكۋاتسيالانعانى بەلگىلى بولدى.