الماتى تاۋلارىندا 4100 تەكشە مەتر قاردى قۇرايتىن توعىز قار كوشكىنى ءجۇردى, دەپ حابارلايدى Egemen.kz.
14 اقپاندا ساعات 08:00-دەن 15:00-گە دەيىن قار كوشكىنى ءجۇرۋى مۇمكىن اۋماقتاردى تەكسەرۋ بارىسىندا «قازسەلەقورعاۋ» ماماندارى الماتى قالاسىنىڭ كىشى وزەنى باسسەينىندە وزدىگىنەن قار كوشكىنىن انىقتادى.
«بارلىعى 9 قار كوشكىنى انىقتالىپ, جالپى كولەمى 4100 تەكشە مەتر قاردى قۇرادى. كوشكىندەردىڭ كوپشىلىگى جەتۋ قيىن جەرلەردە, جولدار مەن نىسانداردان الىس جەرلەردە بولدى. زارداپ شەككەندەر جوق», دەپ حابارلادى «قازسەلەقورعاۋ» مەملەكەتتىك مەكەمەسى.
سونداي-اق ەسكەرتۋ تاقتالارىنىڭ الدىن الا ورناتىلعانى اتاپ ءوتىلدى. الماتى قالاسىنىڭ كىشى وزەنى الابىنداعى «شىمبۇلاق» كومپانيالار توبىنىڭ ۇستىندە قار كوشكىنى قاۋپى بار ايماققا حالىقتىڭ كىرۋىنە شەكتەۋ قويۋ ءۇشىن پوليتسيا ءبولىمى مەن «قازسەلەقورعاۋ» مەملەكەتتىك مەكەمەسى بىرلەسىپ باقىلاۋ-وتكىزۋ بەكەتى ورناتىلدى.