بۇگىندە قازاقستاندا 7842 مەكتەپ بار, ونىڭ جۇزدەن استامى ءۇش اۋىسىمدى مەكتەپتەر. بۇل ماسەلەنى شەشۋ ماقساتىندا ەلىمىزدە جاڭا مەكتەپتەر سالۋ جانە قولدانىستاعى مەكتەپتەردى جاڭارتۋ جونىندەگى باعدارلامالار جۇزەگە اسىرىلىپ كەلەدى, دەپ جازادى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
بىلتىر 137,8 مىڭ بالاعا ارنالعان 165 مەكتەپ اشىلعان. وسىلايشا بىلتىر اپاتتىق جاعدايداعى 12 مەكتەپتىڭ, ءۇش اۋىسىممەن وقىتاتىن 29 ءبىلىم وشاعىنىڭ جانە 113 ەلدى مەكەندەگى وقۋشى ورىندارىنىڭ تاپشىلىعىن ازايتۋعا سەرپىن بەردى.
بيىل 530 مىڭنان استام بالانى قامتيتىن 300 مەكتەپ سالۋ جوسپارلانىپ وتىر. 2025 جىلعا دەيىن «جايلى مەكتەپ» ۇلتتىق جوباسى اياسىندا 740 مىڭ ورىندىق 363 مەكتەپ بوي كوتەرمەك. ءبىلىم بەرۋ ينفراقۇرىلىمىن قولداۋ قورىنىڭ قاراجاتى ەسەبىنەن بىلتىر 62 جوباعا قارجى بولىنسە, بيىل 20 جوبا جۇزەگە اسىرىلماق.