10 اقپاندا ساعات 14:24-تە ەپيتسەنترى رەسەي فەدەراتسياسىندا ورنالاسقان جەر سىلكىنىسى تىركەلدى. ول قازاقستاننىڭ شىعىس اۋماعىندا دا سەزىلدى, دەپ حابارلايدى Egemen.kz Zakon.kz سايتىنا سىلتەمە جاساپ.
جەر سىلكىنىسى وشاعى الماتىدان شىعىسقا قاراي 1023 شاقىرىم جەردە رەسەي اۋماعىندا ورنالاسقان.
ەنەرگەتيكالىق كلاسى - 12.3.
ماگنيتۋداسى - MPV 5.7.
تەرەڭدىگى - 15 كم.
جەراستى دۇمپۋلەرى ريددەردە 2 بالدىق كۇشپەن سەزىلدى.
«زاقىمدانۋ تۋرالى اقپارات بولعان جوق. عيماراتتاردىڭ جوعارعى قاباتتارىندا تۇراتىن كەيبىر تۇرعىندار جەر استى دۇمپۋلەرىن سەزىندى», دەپ حابارلادى شىعىس قازاقستان وبلىسىنىڭ توتەنشە جاعدايلار دەپارتامەنتى.
توتەنشە جاعدايعا تاپ بولساڭىز جانە ءورت سوندىرۋشىلەردىڭ نەمەسە قۇتقارۋشىلاردىڭ كومەگى قاجەت بولسا, بارلىق جەدەل قىزمەتتەرگە قوڭىراۋ شالۋ ءۇشىن «112» – ءنومىرى بار.