اتىراۋدا پسيحوتروپتىق ءدارى-دارمەكتەردى كولونياعا اكەلۋ ارەكەتى توقتاتىلدى, دەپ حابارلايدى Egemen.kz ۇلتتىق ۇلاننىڭ ءباسپاسوز قىزمەتىنە سۇيەنىپ.
«اتىراۋ ەرلەر كولونياسى جەدەل ءبولىمىنىڭ باستىعى مۇراتبەك بەرماحانوۆتىڭ حابارلاۋىنشا, تىيىم سالىنعان زاتتار 29 قاڭتاردا قر ۇلتتىق ۇلانىنىڭ 5546 اسكەري ءبولىمىنىڭ اسكەري قىزمەتشىلەرىمەن بىرلەسىپ قاجد №15 مەكەمەسىنىڭ جەدەل قىزمەتكەرلەرى تەكسەرگەن كەزدە «ەڭبەك باتىس» رمك «گازەل» اۆتوكولىگىنەن تابىلعان.
كولىك جابىق مەكەمەگە ازىق-ت ۇلىك اكەلەدى. تەكسەرۋ كەزىندە ەتتىڭ اراسىنا تىعىلىپ سالىنعان ەكى بوتەلكە پسيحوتروپتىق ءدارى-دارمەكتەرى بار جاسىرىن بايلام تابىلدى: 87 ترامادول تابلەتكاسى», دەلىنگەن اقپاراتتا. وسى دەرەك بويىنشا, پوليتسيا قىزمەتكەرلەرى سوتقا دەيىنگى تەرگەۋدى باستادى.