«التىن وردا» بازارىنىڭ ەكس-ديرەكتورىنا قاتىستى سوت ۇكىم شىقتى

بۇل تۋرالى الماتى وبلىستىق سوتىنىڭ ءباسپاسوز قىزمەتى حابارلادى. وعان 296-باپتىڭ 4-بولىگى «اسا ءىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ» بويىنشا ايىپ تاعىلدى.

وتكەن جازدا الماتى-بىشكەك تاس جولىندا ايىپتالۋشىدان جەكە ءتىنتۋ كەزىندە ۇنتاقتى زاتى بار پاكەت تاركىلەندى. سوت-حيميالىق ساراپتامانىڭ قورىتىندىسىنا سايكەس, بۇل زات سالماعى 1,796 گرامم بولاتىن پسيحوتروپتىق زات «مەفەدرون» ەكەنى انىقتالدى. 

پروكۋرور سوتتالۋشىنى كىنالى دەپ تاۋىپ, 5 جىلعا باس بوستاندىعىنان ايىرۋدى سۇرادى. سوتتالۋشى ءوز كىناسىن مويىنداماي, ايعاق بەرۋدەن باس تارتتى.

«سوت ۇكىمىمەن مارقاباەۆقا قك-ءنىڭ 296-بابىنىڭ 4-بولىگىندە كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ, وعان 4 جىل مەرزىمگە باس بوستاندىعىنان ايىرۋ جازاسى تاعايىندالدى», دەپ حابارلادى سوتتىڭ ءباسپاسوز قىزمەتى.

ەستەرىڭىزگە سالا كەتەيىك, ەرمەك مارقاباەۆ 2023 جىلدىڭ ماۋسىم ايىندا التىن ورداعا جاقىن كوشەدە ۇستالعان ەدى. ءتىنتۋ كەزىندە ودان ۇنتاق پەن تاپانشا تابىلعانى حابارلاندى.

2023 جىلدىڭ جەلتوقسانىندا «التىن وردا» بازارىنىڭ تاعى ءبىر يەسى دانيار الپيەۆ تە قاماۋعا الىندى. ول الاياقتىق جاسادى دەگەن كۇدىككە ىلىنگەن.