زاڭسىز اڭ اۋلاۋ جانە تابيعات قورعاۋ زاڭناماسىن بۇزۋ فاكتىلەرىنىڭ جولىن كەسۋ ماقساتىندا اباي وبلىسى اۋماعىندا پوليتسيا قىزمەتكەرلەرى 1 اقپاندا باستاعان «براكونەر» جەدەل-پروفيلاكتيكالىق ءىس-شاراسى 29 اقپانعا دەيىن جالعاسادى, سول ورايدا براكونەرلىكپەن اينالىسقان ەر ادام ۇستالدى, دەپ حابارلايدى Egemen.kz.
Polisia.kz ءباسپاسوز قىزمەتىنىڭ اقپاراتىنا سايكەس, رەيد كەزىندە «ەرتىس» بەكەتىندەگى پاترۋلدىك پوليتسيا ينسپەكتورلارى وبلىس ورتالىعى كىرەبەرىسىندە 67 جاستاعى سەمەي تۇرعىنى باسقارعان Volkswagen كولىگىن توقتاتىپ, باگاجدان رۇقسات قۇجاتتارى جوق 3 قويان ەتىن تاپقان.
حابارلامادا: «پوليتسيا بولىمىنە جەتكىزىلگەن ول بەسقاراعاي اۋدانى اۋماعىنداعى ورماندا جانۋارلاردى ءولتىرىپ, سويعانىن مويىندادى. اڭشىلىق ەرەجەلەرىن بۇزۋ فاكتىسى بويىنشا زالال كەلتىرە وتىرىپ, اكىمشىلىك ءىس جۇرگىزۋ باستالدى», دەلىنگەن.