كوكشەتاۋدا بۇلاندى اۋداندىق ىشكى ىستەر ءبولىمى باستىعىنىڭ ورىنباسارى ەكى ايعا قاماۋعا الىندى, دەپ حابارلايدى Egemen.kz.
كوكشەتاۋ قالاسىنىڭ مامانداندىرىلعان تەرگەۋ سوتىنىڭ حابارلاۋىنشا, سوت قاۋلىسىمەن «د-عا» قاتىستى قاماۋ تۇرىندەگى بۇلتارتپاۋ شاراسى ەكى اي مەرزىمگە سانكتسيالاندى.
«بۇلاندى اۋداندىق ىشكى ىستەر ءبولىمى باستىعىنىڭ ورىنباسارى «د.» جەكە مەنشىككە قارسى اۋىر قىلمىس (قك 190-بابى, 3-بولىگى, 2-تارماعى «الاياقتىق») جاسادى دەگەن كۇدىككە ءىلىندى», دەپ حابارلادى كوكشەتاۋ قالاسىنىڭ مامانداندىرىلعان تەرگەۋ سوتى.
سوت ۇكىمى زاڭدى كۇشىنە ەنگەن جوق.