«مايقايىڭ التىن» اق تاۋ-كەن تەلىمى اۋدانىنداعى وپىرىلعان جەردەن قۇتقارۋشىلار جاڭا بولشەكتەردى تاپتى, دەپ حابارلايدى Egemen.kz.
- «مايقايىڭ التىن» اق كەنىشىندە ىزدەۋ جۇمىستارى جۇرگىزىلگەن جەردە بۇگىن جاڭا بولشەكتەر, ياعني قۇتقارۋشىنىڭ كاسكاسى, اۆتوبۋستىڭ ىشكى سورەسى ەسىگىنىڭ كىشىگىرىم بولىگى جانە دە قۇتقارۋشىنىڭ «XFERRA» قول راديوستانتسياسى تابىلىپ, جەر بەتىنە شىعارىلدى, - دەپ جازدى پاۆلودار وبلىسىنىڭ اكىمى اسايىن بايحانوۆ.
ەسكە سالساق, 4 قاڭتاردا شاقىرتۋعا شىققان قۇتقارۋشىلاردىڭ اۆتوبۋسى التىن كەنىشىنىڭ شاحتاسىنا وپىرىلىپ ءتۇسىپ, اپاتقا ۇشىراعانى بەلگىلى بولدى.
وقيعا ورنىندا ەكى قىزمەتكەردىڭ دەنەسى تابىلدى. تاعى ەكەۋىنىڭ دەنەسى ءالى ىزدەستىرىلىپ جاتىر.