قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى 1,67 تەڭگەگە تومەندەپ, 448,17 تەڭگەنى قۇراعانىن حابارلادى, دەپ جازادى Egemen.kz.
ودان بولەك, قىتاي ءيۋانىنىڭ ورتاشا سارالانعان باعامى دا تومەندەپ, 62,34 تەڭگەنى (-0,26) قۇرادى.
ۇلتتىق بانك ەۋرو باعامىن 487,01 تەڭگەگە, ءرۋبلدى 5,02 تەڭگەگە بەلگىلەدى.
اقشا ايىرباستاۋ ورىندارىندا دوللار 449 - 450,9 تەڭگەگە, ەۋرو 488 - 491 تەڭگەگە, رەسەي ءرۋبلى 4,93 - 5,03 تەڭگەگە ساتىلىپ جاتىر.
سونداي-اق بۇگىنگى اۋكتسيوندا مۇنايدىڭ الەمدىك باعالارى دا تومەندەگەنى بايقالدى.
ماسەلەن, ICE Futures ەلەكتروندىق ساۋداسىندا ساۋىردەگى Brent فيۋچەرستەرىنىڭ قۇنى 0,23%-عا ارزانداپ, باررەلىنە 81,64 دوللاردى قۇرادى.
ال NYMEX ەلەكتروندىق ساۋداسىندا WTI ماركالى مۇنايدىڭ ناۋرىزداعى فيۋچەرستەرى 0,18%-عا تومەندەپ, باررەلىنە 76,64 دوللار بولدى.