وبلىس اكىمى اسايىن بايحانوۆ Instagram جەلىسىندەگى پاراقشاسىندا مايقايىڭ كەنىشىندە جۇرگىزىلىپ جاتقان ىزدەستىرۋ جۇمىستارى تۋرالى جازدى. قازىر شۇڭقىردىڭ تۇبىندە قوسالقى گيدراۆليكالىق بالعاسى بار ەكسكاۆاتور جۇمىس ىستەپ جاتىر, دەپ حابارلايدى Egemen.kz.
«مايقايىڭ-التىن» اق اۋماعىندا گيدراۆليكالىق بالعامەن ەكسكاۆاتور جۇمىس ىستەپ جاتىر. ونىڭ كومەگىمەن ۇلكەن تاستار ۇساقتالادى. بۇگىنگى جۇمىستىڭ ناتيجەسىندە قۇتقارۋشىلار اۆتوبۋستىڭ ۇلكەن بولشەگىن – دوڭگەلىكتى تاپتى», دەپ جازدى وبلىس اكىمى.
ايتا كەتسەك, ىزدەستىرۋ-قۇتقارۋ جۇمىستارى ءالى دە جالعاسىپ جاتىر.