قاراعاندى قالاسى مايقۇدىق اۋدانىندا جەدەل جاردەم جۇرگىزۋشىسىن ۇرىپ-سوققان ەر ادامنىڭ ۆيدەوسى الەۋمەتتىك جەلىدە تارالىپ, كوپشىلىكتىڭ نارازىلىعىن تۋدىرعان ەدى. ۆيدەوعا قۇزىرلى ورگاندار دا نازار اۋدارىپ, ءىستى ەرەكشە باقىلاۋعا الدى, دەپ جازادى Egemen.kz.
اۋىر سوققىلاردان سوڭ جەدەل جاردەم جۇرگىزۋشىسىنىڭ باس ميى شايقالىپ, مۇرىن سۇيەكتەرى سىنعان, كەۋدە قۋىسى مەن بەتتىڭ جۇمساق تىندەرىن اۋىرتىپ العان. جابىرلەنۋشى قازىر اۋرۋحانادا ەم الىپ جاتىر. ال كۇدىكتىگە قاتىستى قىلمىستىق ءىس قوزعالىپ, 2-ساناتتاعى ىزدەۋ جاريالاندى.
قاراعاندى جاڭا-مايقۇدىق پوليتسيا ءبولىمىنىڭ قىزمەتكەرلەرى 1987 جىلى تۋعان نۇربولات داكەباەۆتىڭ جۇرگەن جەرى تۋرالى مالىمەت بىلەتىندەردى 102 نەمەسە 8 (7212) 40 79 19 تەلەفوندارىنا حابارلاسۋىن سۇرايدى.
جەرگىلىكتى پوليتسيا قىزمەتكەرلەرى ىزدەۋ اياسىندا ونىڭ سۋرەتتەرىن ادام كوپ جۇرەتىن ورىندار مەن باعانا, ساۋدا ورىندارىنا ءىلىپ قويعان.