مايقايىڭ التىن شاحتاسىنداعى اۆتوبۋس اپاتىنا قاتىستى كوميسسيا تەرگەۋ ناتيجەسىن جاريالادى, دەپ حابارلايدى Egemen.kz اقپارات اگەنتتىگى.
4 قاڭتار كۇنى پاۆلودار وبلىسىنداعى مايقايىڭ كەنىشى ماڭىندا قۇتقارۋشىلار مىنگەن اۆتوبۋس 150 مەتر تەرەڭدىكتەگى شۇڭقىرعا ءتۇسىپ كەتكەنى تۋرالى جازعان ەدىك.
تەرگەۋ ناتيجەسى بويىنشا قايعىلى وقيعاعا جەتى ادام جاۋاپتى دەپ تانىلعان. ولار تاۋ-كەن جۇمىستارىنىڭ قاۋىپسىزدىگىنە باس قاتىرماي, ءوندىرىستى باقىلاماعان.
ارنايى كوميسسيا قۇرامىنا ساراپتاۋ جۇرگىزەتىن ءتورت بىردەي مەكەمە وكىلدەرى كىرگەن. رەسەيدەن دە ماماندار شاقىرىلعان. ولار "مايقايىڭ-التىن" اكتسيونەرلىك قوعامى باسشىلارىنىڭ وسىنشاما جاۋپسىزدىققا جول بەرگەنىنە تاڭ قالىپ وتىر. وندىرىستە قاداعالاۋ قاشان جۇرگىزىلگەنى بەيمالىم. كەن وندىرگەننەن كەيىن جەر استىندا بوس قالعان اۋماقتى تولتىرماي, سول كۇيى تاستاپ كەتىپ وتىرعان. اقىرى سول ويىققا اۆتوبۋس قۇلاپ, ىشىندە بولعان ەكى ادامنىڭ دەنەسىن دە, كولىكتى دە ءۇش اپتادان بەرى شىعارا الماي وتىر.
ويىقتىڭ تەرەڭدىگى 150 مەتردەي. قۇتقارۋشىلار بۇرىن-سوڭدى مۇنداي اپات الەمدىك تاجىربيەدە بولماعانىن ايتادى. سوندىقتان جەر تاعى ويىلىپ كەتە مە دەگەن قاۋىپپەن قۇتقارۋ جۇمىستارى وسىنشاما ۋاقىتقا سوزىلىپ كەلەدى.
- تەرگەۋ ناتيجەسىندە اكتى قۇرىلىپ, كاسىپورىنعا جيىرما ءىس شارا جوسپارى بەرىلدى. تەرگەۋدە بارلىق قاجەت قۇجات الىندى, قارالدى. نناتيجەسىندە كاسىپورىن جۇمىستى باقىلاپ, دۇرىس جۇرگىزبەگەنى انىقتالدى, – دەدى پاۆلودار وبلىسى ونەركاسىپ قاۋىپسىزدىگى دەپارتامەنتىنىڭ باسشىسى دانيار انداسوۆ.
ەسكە سالساق, بۇعان دەيىن قۇتقىرۋشىلار شاحتاعا قۇلاعان اۆتوبۋستىڭ بولشەكتەرى مەن جولاۋشىلاردىڭ سومكەسىن, كولىكتىڭ مەملەكەتتىك ءنومىرىن تاپقانى تۋرالى جازعان ەدىك.