الماتى قالاسىندا پرەزيدەنتتىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى رۋسلان جەلدىباي عىلىمي قوعامداستىققا ۇلتتىق عىلىم اكادەمياسىنىڭ جاڭا باسشىسى اقىلبەك قاجىعۇل ۇلى كۇرىشباەۆتى تانىستىردى.
اۋىل شارۋاشىلىعى عىلىمدارىنىڭ دوكتورى, اكادەميك اقىلبەك كۇرىشباەۆ بۇل لاۋازىمعا پرەزيدەنت قاسىم-جومارت توقاەۆتىڭ 2024 جىلعى 22 قاڭتارداعى وكىمىمەن تاعايىندالدى.
رۋسلان جەلدىباي ۇلتتىق عىلىم اكادەمياسىنىڭ بۇرىنعى پرەزيدەنتى كۇنسۇلۋ زاكارياعا اتقارعان جۇمىسى ءۇشىن العىس ايتىپ, مەملەكەت باسشىسىنىڭ عىلىم جانە يننوۆاتسيالار جونىندەگى كەڭەسشىسى لاۋازىمىنداعى قىزمەتىنە تابىس تىلەدى.
ۇلتتىق عىلىم اكادەمياسىنىڭ اكتيۆى, عىلىمي ۇيىمداردىڭ باسشىلارى مەن اكادەميكتەر قاتىسقان جيىندا قازاقستان عىلىمىنىڭ الدىندا تۇرعان مىندەتتەر, عىلىمنىڭ قولدانبالى سيپاتىن كۇشەيتۋ جانە ەل ەكونوميكاسىنا عىلىمي ازىرلەمەلەردى ەنگىزۋ ماسەلەلەرى تالقىلاندى.
سونىمەن قاتار عالىمدار عىلىم اكادەمياسىنىڭ نەگىزىن قالاۋشى قانىش ساتباەۆتىڭ 125 جىلدىق مەرەيتويى اياسىندا ۇيىمداستىرىلاتىن ءىس-شارالارعا قاتىستى ۇسىنىستارىن جەتكىزدى.