الداعى اقپان ايىنان باستاپ ەلىمىزدە «پويىز+ۇشاق» ينتەرمودالدى تاسىمالداۋ قاناتقاقتى جوباسى ىسكە قوسىلادى. بۇل جوبا «جولاۋشىلار تاسىمالى» اق, «SCAT» اۋەكومپانياسى جانە «UvU» كومپانياسى ءوزارا ىنتىماقتاستىعىنىڭ ارقاسىندا جۇزەگە اسىپ وتىر.
جولاۋشىلارعا ۇسىنىلاتىن بۇل قىزمەت اۆتوبۋس, اۋە جانە تەمىرجول بيلەتتەرىن ءبىر باعىت بويىنشا ساتىپ الۋعا مۇمكىندىك بەرەدى. وسىلايشا, ازاماتتار وزدەرىنە ىڭعايلى باعىتتى تاڭداپ, بيلەت ىزدەۋگە جۇمسايتىن ۋاقىتتارىن ۇنەمدەيدى. سونداي-اق قىزمەت ارقىلى ەلىمىزدىڭ بارلىق قالاسى بويىنشا ساياحاتتاۋ مۇمكىندىكتەرى كەڭەيەدى. قاناتقاقتى جوبا (پويىز+ۇشاق) «قوستاناي-استانا-شىمكەنت» باعىتىندا جانە كەرى باعىتتا سىناق تۇرىندە وتكىزىلەدى.
«قوستاناي-استانا-شىمكەنت»(پويىز+ۇشاق) باعىتى بويىنشا تاق كۇندەردە جول ءجۇرۋ كەستەسى:
- قوستاناي ستانساسىنان №81 «قوستاناي-استانا» پويىزى استانا قالاسىنا جونەلتىلەدى;
- «نۇرلى جول» ۆوكزالىنىڭ №2 كەلۋ زالىنىڭ شىعابەرىسىندە ترانسفەر استانا قالاسىنىڭ حالىقارالىق اۋەجايىنا جونەلتىلەدى;
- استانا اۋەجايىنان DV 772 «استانا-شىمكەنت» رەيسى شىمكەنت قالاسىنا ۇشادى.
«شىمكەنت-استانا-قوستاناي»(ۇشاق+پويىز) باعىتى بويىنشا تاق كۇندەردە جول ءجۇرۋ كەستەسى:
- شىمكەنت قالاسىنىڭ اۋەجايىنان DV 771 «شىمكەنت-استانا» رەيسى استاناعا قونادى;
- استانا قالاسى اۋەجايىنىڭ №2 تەرمينالىنىڭ ءبىرىنشى تۇراق جەلىسىنەن «نۇرلى جول» ۆوكزالىنا دەيىن ترانسفەر جونەلتىلەدى;
- «نۇرلى جول» ستانساسىنان №47 «استانا-اتىراۋ» پويىزى قوستانايعا جونەلتىلەدى.
قاناتقاقتى بۇل جوبا 28 اقپاندا اياقتالادى.
جولاۋشىلار اۋە بيلەتتەرىن scat.kz سايتىنان, ال تەمىر جول بيلەتتەرىن bilet.railways.kz سايتىنان قاراي الادى. ودان بولەك, قاجەتتى مەكەنجايدى تاڭداپ, uvu.kz/ktz سايتى ارقىلى ترانسفەرگە تاپسىرىس بەرۋگە بولادى.