حالىق باتىرىنىڭ قانجارى

1916 جىلى 21 قازاندا قازىرگى جانگەلدين اۋدانىنىڭ اۋماعىنداعى تاتىر كولىنىڭ جاعاسىندا امانگەلدى باستاعان كوتەرىلىسشىلەر مەن جازالاۋشى وترياد اراسىندا قيان-كەسكى ۇرىس بولادى. وسى شايقاستا 21 جاستاعى عاپباس جازالاۋشى وتريادتىڭ بارلاۋشىسىن الىپ ۇرىپ, ەرەن ەرلىك جاسايدى. ونىڭ كوزسىز ەرلىگىنە ريزا بولعان باس ساردار وعان ءوزىنىڭ قانجارىن سىيلاعان.

بۇل جادىگەر 1863 جىلى زلاتوۋست قارۋ-جاراق زاۋىتىندا جاسالعان. بولاتتان دايىندالىپ, سابى جەزدەن قۇيىلعان. قانجاردىڭ سابىندا ازىرلەنگەن جىلى مەن ەكى باستى سامۇرىق بەينەلەنگەن تاڭبا بار. ۇزىندىعى – 64 سم, ءجۇزى – 49 سم, سابى – 15 سم. ءجۇزىنىڭ ەنى – 4 سم. قانجاردىڭ جەكە سالماعى – 1030 گر. قىنىمەن بىرگە – 1355 گر. قىنىنىڭ تۇبىندەگى مەتالل بولىگى ءتۇسىپ قالعان.

باس ساردار ەرلىگىنە ءتانتى بولعان عاپباس سالامات ۇلى بەيبىت زامان ورناعاننان كەيىن تۋعان ەلىندە حالىق سوتى, بولىستىق كەڭەستىڭ توراعاسى سەكىلدى قىزمەت ىستەگەن. 1972 جىلى ارقالىق قالاسىنداعى دالا ولكەسى تاريحى مۋزەيى اشىلعاندا قاريا حالىق باتىرى سىيعا تارتقان قانجاردى ءوز قولىمەن مۋزەيگە تاپسىرعان.