زەينەتاقىسى 140 مىڭ تەڭگەدەن اسپايتىن زەينەتكەرلەرگە مەملەكەتتەن 50 مىڭ تەڭگە مولشەرىندە بىرجولعى تولەم بەرىلەتىنى تۋرالى مەسسەندجەرلەر مەن الەۋمەتتىك جەلىلەردە تاراتىلىپ جاتقان اقپارات شىندىققا جاناسپايدى, دەپ جازادى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«مەسسەندجەرلەردە زەينەتكەرلەرگە ماتەريالدىق كومەك تولەنەتىنى تۋرالى جالعان اقپارات تارالىپ جاتىر. تاعايىندالعان قاراجاتتى الۋ ءۇشىن بەلگىسىز ادامدار حالىققا قىزمەت كورسەتۋ ورتالىعىنا حابارلاسىپ, №2 نىساندى تولتىرۋدى ۇسىنادى.
اتالعان ماتەريالدىق كومەك ءتۇرى جوق ەكەنىن جانە مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس-حابارلامالار ارقىلى تاراتىلاتىنىن حابارلايمىز.
ازاماتتاردان تەك رەسمي كوزدەردەگى اقپاراتتى پايدالانۋىن سۇرايمىز. جالعان اقپاراتتى تاراتۋ زاڭمەن جازالاناتىنىن ەستەرىڭىزگە سالامىز», دەلىنگەن اقپاراتتا.