اباي وبلىسىندا ۇيلەردى توناۋمەن اينالىسقان اسا قاۋىپتى ۇرىلار توبى ۇستالدى. پوليتسيا اباي وبلىسىنىڭ اياگوز قالاسىندا ارنايى وپەراتسيا جۇرگىزىپ «سەريالىق» قىلمىسقا قاتىسى بار ۇرىلار توبىن قولعا ءتۇسىردى, دەپ حابارلايدى Egemen.kz Polisia.kz-كە سىلتەمە جاساپ.
«كۇدىكتىلەر ءۇي-جايلاردى جايپاپ توناۋمەن كۇن كورگەن. بىلتىردان بەرى اۋدان پوليتسياسىنا جەرگىلىكتى تۇرعىنداردىڭ ۇيلەرىنەن اقشا, قىمبات زاتتار مەن زەرگەرلىك بۇيىمداردىڭ ۇرلانعانى تۋرالى ارىزدار تۇسە باستاعان. قولدى بولعان قۇندى زاتتاردىڭ جالپى سوماسى 2 ملن 170 مىڭ تەڭگەنى قۇرادى. تەرگەۋ مالىمەتتەرى بويىنشا, ۇرىلار ءۇي يەلەرى جوق كەزدە جەكە سەكتوردىڭ اۋماعىنا كىرىپ, پلاستيكالىق تەرەزەلەردى سىندىرۋ ارقىلى ىشكە كىرىپ, قۇندى زاتتاردى ۇرلاعان», دەلىنگەن اقپاراتتا.
ارنايى وپەراتسيا كەزىندە ۇستالعان كۇدىكتىلەر يزولياتورعا قامالىپ, ۇرلىق جانە ءۇي-جايعا زاڭسىز كىرۋ فاكتىلەرى بويىنشا قىلمىستىق ءىس قوزعالدى.