استانادا پارلامەنت پالاتالارىنىڭ بىرلەسكەن وتىرىسى باستالدى. وعان قاۋىپسىزدىك كەڭەسىنىڭ حاتشىسى عيزات نۇرداۋلەتوۆ, پرەزيدەنتتىڭ قۇقىقتىق ماسەلەلەر جونىندەگى كومەكشىسى ەرجان جيەنباەۆ, پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ, قورعانىس ءمينيسترى رۋسلان جاقسىلىقوۆ, دەنساۋلىق ساقتاۋ ءمينيسترى اجار عينيات قاتىسىپ جاتىر, دەپ حابارلايدى Egemen.kz.
كۇن تارتىبىندە پرەزيدەنتتىڭ بىرىككەن ۇلتتار ۇيىمىنىڭ ميسسيالارىنا قاتىسۋ ءۇشىن قازاقستان رەسپۋبليكاسى قارۋلى كۇشتەرىنىڭ بىتىمگەرشىلىك كونتينگەنتىن جىبەرۋ تۋرالى ۇسىنىسى قارالادى.
ەسكە سالايىق, 17 قاڭتار كۇنى ءماجىلىس توراعاسى ەرلان قوشانوۆ پارلامەنت پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويعان ەدى. وندا: «قازاقستان رەسپۋبليكاسى كونستيتۋتسياسىنىڭ 58-بابى 4-تارماعىنىڭ 2-تارماقشاسىنا سايكەس قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسى 2024 جىلعى 19 قاڭتار ساعات 10.00-دە استانا قالاسىندا شاقىرىلسىن», دەلىنگەن.