يندونەزيا استاناسىندا جاكارتادا جالاۋى جەلبىرەگەن ازيا چەمپيوناتى ءوز مارەسىنە جەتتى. سارى قۇرلىق دوداسىندا الەكساندرا لە (ۆينتوۆكا) مەن نيكيتا چيريۋكين (تاپانشا) قازاقستان قۇراماسىنا پاريج وليمپياداسىنىڭ ليتسەنزياسىن الىپ بەردى.
ۇلتتىق قۇراما جەڭىپ العان جۇلدە سانى: 4 التىن, 5 كۇمىس, 5 قولا. باس جۇلدە – يندونەزيا قۇراماسىندا. جالپى, بۇگىندە مەرگەندەر ەنشىسىندە 5 جولداما بار.
سپورتتى دامىتۋ ديرەكتسياسىنان ءمالىم ەتكەندەي, ارالاس قارقىندا قوزعالاتىن جىلجىمالى نىسانا كوزدەۋدە (10 مەتر) فاتيما يرنازاروۆا كۇمىس جۇلدەگەر اتاندى. ول جارىستا 361 ۇپاي جيناپ, تەك قاتار سپورتشىسىنا ەسە جىبەردى. ال ەرلەر اراسىندا اسادبەك نازيركۋليەۆ تۇعىر بيىگىنىڭ 2-ساتىسىنا كوتەرىلدى. ول 377 ۇپاي جيناپ, ءوزىنىڭ جەكە رەكوردىن تىركەدى. كوماندالىق سىندا اندرەي حۋدياكوۆ, يليا زوتەەۆ پەن اسادبەك نازيركۋلەۆ ۇشتىگى كۇمىس مەدال جەڭىپ الدى.