پرەمەر-مينيستر ءاليحان سمايىلوۆتىڭ توراعالىعىمەن ەكونوميكانى دەمونوپوليزاتسيالاۋ جونىندەگى كوميسسيانىڭ كەزەكتى وتىرىسى ءوتتى.
قاتىسۋشىلار «قازاقتەلەكوم» اق كومپانيالار توبىن دەمونوپوليزاتسيالاۋ بارىسىن تالقىلادى. اتاپ ايتقاندا, ءموبيلدى وپەراتورلاردىڭ ءبىرىن باسەكەلى ورتاعا شىعارۋ ۇدەرىسى قاراستىرىلدى. قازىرگى ۋاقىتتا الەۋەتتى شەتەلدىك ينۆەستورلارمەن كەلىسسوزدەر جۇرگىزىلىپ جاتقانى ايتىلدى.
جالپى, بۇل شارا حالىققا كورسەتىلەتىن قىزمەت ساپاسىن ارتتىرىپ, تەلەكوممۋنيكاتسيا سالاسىنىڭ دامۋىنا وڭ اسەرىن تيگىزەدى دەپ كۇتىلىپ وتىر.
پرەمەر-مينيستر بۇل باعىتتاعى جۇمىستى جەدەلدەتۋدى تاپسىردى.
وتىرىستا سونداي-اق حيميا ونەركاسىبىندەگى جانە باسقا دا سالالارداعى بىرقاتار كاسىپورىننىڭ جۇمىسى تالقىلاندى.