كولىك جۇرگىزۋشىلەرى جول اپاتى كەزىندە نە ىستەۋ كەرەك؟

ءىىم ماماندارى تالداۋ كەزىندە قازاقستاندا بولاتىن كولىك اپاتىنا باستى سەبەپ - جۇرگىزۋشىلەردىڭ جول ەرەجەلەرىن ساقتاماۋى ەكەنىن انىقتادى.

ءبىز قۇزىرلى ورگاننان جول-كولىك وقيعاسى كەزىندە جۇرگىزۋشى, كۋاگەر, جولاۋشى ىستەۋ كەرەك باستى ارەكەتتەر مەن ماڭىزدى جايتتاردى سۇراپ بىلدىك.

جول-كولىك وقيعاسى كەزىندە جۇرگىزۋشى نەمەسە جولاۋشى (كۋاگەر) رەسپۋبليكا بويىنشا بىرىڭعاي «102» نومىرىنە حابارلاسىپ, وقيعا تۋرالى تولىقتاي مالىمەت بەرۋى كەرەك.

«جول ءجۇرىسى قاعيدالارىنىڭ (قازاقستان رەسپۋبليكاسى ىشكى ىستەر ءمينيسترىنىڭ 2023 جىلعى 30 ماۋسىمداعى № 534 بۇيرىعى) 2-تاراۋىنداعى, 9-تارماعىنىڭ, 8-بولىگىنە سايكەس جول-كولىك وقيعاسى كەزىندە وعان قاتىسى بار جۇرگىزۋشى:- كولىك قۇرالىن دەرەۋ توقتاتۋعا (ورنىنان قوزعاماۋعا), اۆاريالىق جارىق سيگنالىن قوسۋعا جانە اۆاريالىق توقتاۋ بەلگىسىن (جانىپ-سونەتىن قىزىل فونار) قويۋعا, وقيعاعا قاتىسى بار زاتتاردى قوزعاماۋعا;- زارداپ شەككەندەرگە دارىگەرگە دەيىنگى مەديتسينالىق كومەك كورسەتۋ ءۇشىن العاشقى كومەك كورسەتۋگە, جەدەل مەديتسينالىق جاردەم شاقىرۋعا, ال شۇعىل جاعدايلاردا زارداپ شەككەندەردى جول-جونەكەي كولىكپەن جونەلتۋگە, بۇل مۇمكىن بولماسا, ءوزىنىڭ كولىك قۇرالىمەن جاقىن جەردەگى ەمدەۋ مەكەمەسىنە جەتكىزۋگە, ءوزىنىڭ تولىق اتى-جونگىن, تەگىن, كولىك قۇرالىنىڭ مەملەكەتتىك تىركەۋ ءنومىرى بەلگىسىن حابارلاۋعا (جەكە باسىن كۋالاندىراتىن قۇجاتتى نەمەسە جۇرگىزۋشى كۋالىگىن جانە كولىك قۇرالىنا بەرىلگەن تىركەۋ قۇجاتىن كورسەتە وتىرىپ) جانە وقيعا بولعان جەرگە قايتىپ كەلۋگە;- بولعان وقيعا تۋرالى جاقىن جەردەگى ىشكى ىستەر ورگانىنا دەرەۋ حابارلاۋعا, ونى كورگەندەردىڭ اتى-ءجونى مەن مەكەنجايلارىن جازىپ الۋعا جانە ىشكى ىستەر ورگاندارى قىزمەتكەرلەرىنىڭ كەلۋىن كۇتۋگە;- ەگەر باسقا كولىك قۇرالدارىنىڭ جۇرۋىنە كەدەرگى بولسا جولدىڭ ءجۇرۋ بولىگىن بوساتۋعا;- جولدىڭ ءجۇرۋ بولىگىن بوساتۋ قاجەت بولعان كەزدە وقيعاعا قاتىسى بار كولىك قۇرالىنىڭ ورنالاسۋىن, ىزدەر مەن زاتتاردى كۋالاردىڭ قاتىسۋىمەن الدىن الا بەلگىلەپ, ولاردى ساقتاۋعا بارلىق شارالاردى قولدانۋعا جانە وقيعا بولعان جەردى وزگەلەردىڭ اينالىپ ءوتۋىن قامتاماسىز ەتۋگە مىندەتتى», دەلىنگەن ءىىم حابارلاماسىندا.

قازاقستاندا وسى جىلدىڭ 1 قاڭتارىنان باستاپ جول-كولىك وقيعاسىن پوليتسيانىڭ قاتىسۋىنسىز تىركەۋگە مۇمكىندەر بەرەتىن «ەۆروپروتوكول» (Europrotocol) قوسىمشاسى قولدانىلۋعا ۇسىنىلدى. كولىك يەلەرى بۇل قوسىمشانى App store نەمەسە Coogle Play ارقىلى تەلەفونعا جۇكتەي الادى. جول-كولىك وقيعاسىن (جكو) وڭايلاتىلعان تارتىپپەن رەتتەۋگە مۇمكىندىك بەرەتىن قوسىمشانى كولىك اپاتىنىڭ مىناداي جاعدايلارىندا قولدانۋعا بولادى: 

1)​جول-كولىك وقيعاسىنا قاتسىۋشى كولىك سانى 2-دەن اسپاۋ كەرەك. 2-جۇرگىزۋشىنىڭ دە قولدانىستاعى ساقتاندىرۋ پوليستەرى بولۋى شارت;2)​ جەڭىل اپات كەزىندە 1 عانا كولىك قۇرالىنا عانا زيان كەلتىرىلسە;3)​جكو كەزىندە زيان كەلتىرۋدىڭ ءمان جايلارى, كولىك قۇرالىنىڭ زاقىمداردىڭ اشىق كورىنۋى سيپاتى مەن تىزبەسى, جكو قاتىسۋشىلارىنىڭ ءبىرىنىڭ كىناسى جكو قاتىسۋشىلارىندا كەلىسپەۋشىلىكتەر تۋعىزبايدى جانە قوسىمشادا بارلىعى تىركەلەدى.4)​جول-كولىك وقيعاسىنا تۇسكەندەر ساقتاندىرۋ سوماسىنىڭ مولشەرى شەگىندە تولەمدەرگە كەلىسەدى (تولەمنىڭ شەكتى سوماسى -100 اەك);5)​جكو تۋرالى قۇجاتتار مەن مالىمەتتەردى راسىمدەۋدى قاتىسۋشىلار ءموبيلدى قوسىمشانى پايدالانا وتىرىپ دەكلاراتسيا جاساۋ ارقىلى جۇزەگە اسىرادى;6)​ەگەر كورسەتىلگەن شارتتاردىڭ ءبىرى ساي كەلمەسە نەمەسە جۇرگىزۋشىلەر اپاتتىڭ ءمان-جايى تۋرالى ۋاعدالاسا الماسا, ولار پوليتسيا قىزمەتكەرلەرىن شاقىرۋعا جانە جول-كولىك وقيعاسىن بەلگىلەنگەن تارتىپپەن راسىمدەۋگە مىندەتتى.

«ەۆروپروتوكول» قوسىمشاسىن پايدالانعان جۇرگىزۋشى جول-كولىك وقيعاسىن پوليتسيا شاقىرماي-اق سوت شەشىمىنسىز جەدەل ءارى وڭاي تۇردە ساقتاندىرۋ تولەمىن الادى.