نيدەرلاند كورولدىگىنىڭ حەرەنۆەن قالاسىندا حوككەيدەن 18 جاسقا دەيىنگى قىزدار اراسىنداعى الەم چەمپيوناتىنىڭ جالاۋى جەلبىرەدى.
ءىى ديۆيزيوندا سىنعا ءتۇسىپ جاتقان قازاقستان قۇراماسى كەزەكتى ويىنىندا تۇركيانىڭ قاقپاسىنا جاۋاپسىز 6 شايبا سالىپ, ءىرى جەڭىسكە جەتتى. جەرلەستەرىمىز ساپىنان ويىن باستالا سالا 1,40 سەكۋندتا ياكوۆلەۆا العاشقى شايبانى قارسىلاستار قاقپاسىنا توعىتسا, اراعا 17 سەكۋند سالىپ زۋبكوۆا (1,57 سەكۋند) ەسەپتى ەسەلەپ, ماتچ تاعدىرىن شەشىپ تاستادى. ال 13 مينۋت 46 سەكۋندتا كرۋحولسكايا ەسەپتى 3:0-گە جەتكىزدى. ەكىنشى كەزەڭدە زۋبكوۆا, حوحلوۆا جانە راكوۆسكايانىڭ مەرگەندىگىمەن كوزگە ءتۇستى.
وسى جەڭىستىڭ ارقاسىندا ەلىمىزدىڭ حوككەيشىلەرى ا توبىنان پلەي-وففقا شىعۋ مۇمكىندىگىن نىعايتا ءتۇستى. ايتا كەتەيىك, بۇعان دەيىن قىزدارىمىز 1-تۋردا ۇلىبريتانياعا 0:4 ەسەبىمەن ەسەسى كەتكەن بولاتىن.
قازاقستاننىڭ قىزدار كومانداسى الداعى كۇندەرى لاتۆيا (18 قاڭتار), قىتاي (20 قاڭتار) جانە نيدەرلاندقا (21 قاڭتار) قارسى مۇزايدىنعا شىعادى.