پرەمەر-مينيستر ءاليحان سمايىلوۆ Qarmet كومپانياسى جۇمىسىنىڭ ماسەلەلەرى جونىندەگى جۇمىس توبىنىڭ كەزەكتى وتىرىسىن وتكىزدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«جاڭا ينۆەستوردىڭ قاتىسۋىمەن كاسىپورىننىڭ تۇراقتى جۇمىسىن جانە ودان ءارى دامۋىن قامتاماسىز ەتۋ جونىندەگى شارالار, سالىق, ماگيسترالدىق تەمىرجول جەلىسىن پايدالانۋ, سونداي-اق ەكولوگيالىق زاڭناما نورمالارىن ساقتاۋ ماسەلەلەرى تالقىلاندى. سونىمەن قاتار وتىرىستا قاراعاندى كومىر باسسەينى شاحتالارىنداعى ونەركاسىپتىك قاۋىپسىزدىك تالاپتارىن وزەكتەندىرۋ جوسپارلارى قارالعانى» جازىلعان اقپاراتتا.
وتىرىستى قورىتىندىلاعان ءا.سمايىلوۆ مەملەكەتتىك ورگاندارعا تاپسىرما جۇكتەدى.