قۇرلىقتىق حوككەي ليگاسىنداعى كەزەكتى وينىن وتكىزگەن ەلوردالىق «بارىس» رەسەيدىڭ «لادا» (تولياتتي) كومانداسىنان 0:3 ەسەبىمەن جەڭىلىپ قالدى.
بۇعان دەيىن ەلوردالىق كلۋب قاتارىنان ءۇش مارتە جەڭىلىستىڭ اششى ءدامىن تاتىپ, تۋرنير كەستەسىندەگى جاعدايىن قيىنداتىپ العان ەدى. سالدارىنان 49 ويىننان كەيىن 40 ۇپايمەن 19-ورىندا تۇرعان-دى. سول سەبەپتى «بارىسقا» ءاربىر ويىندا جەڭىسكە جەتۋدىڭ ماڭىزى زور بولاتىن. كەزدەسۋ بارىسىندا قوس كوماندا ويىندى بەلسەندى باستادى.
10-مينۋتتا رەسەيلىك حوككەيشى نيكيتا پوپۋگاەۆ سوققان گول «لادا» كومانداسىن العا شىعاردى. ال ەكىنشى كەزەڭدە ولاردىڭ قاتارىنان اندرەي التىبارماكيان 30, تروي دجوزەفس 38-مينۋتتا مەرگەندىك تانىتتى. وسىلايشا, ەلوردالىق كلۋب قارسىلاسىنا 0:3 ەسەبىمەن ەسە جىبەردى.