قانىشتىڭ گالستۋگى

قازاقتان شىققان العاشقى اكادەميكتىڭ جەزقازعان – ۇلىتاۋ ءوڭىرىنىڭ قازبا بايلىعىن زەرتتەپ, تاريحىن زەردەلەگەن عىلىمي ەڭبەگى ءوز الدىنا, ونىڭ سول جەردىڭ حالقىمەن توننىڭ ىشكى باۋىنداي ارالاسىپ كەتكەن ادامي قارىم-قاتىناسى ايرىقشا بولعانى بەلگىلى. قانىش يمانتاي ۇلى ومىردەن وتكەندە جەزقازعاننان الماتىعا باراتىن حالىقتىڭ كوپتىگى سونشالىق, ولاردىڭ كوبى ارنايى ۇيىمداستىرىلعان ەكى ۇشاققا دا سىيماي, قالىپ قويعان كورىنەدى. سولاردىڭ ءبىرى – نۇرمانبەك سەردالينوۆ دەگەن كىسى بولعان ەكەن. ونىڭ وتاعاسىسىمەن وتە جاقىن, دوس, باۋىرىنداي بولىپ كەتكەنىن جاقسى بىلەتىن قانەكەڭنىڭ زايىبى تايسا الەكسەەۆنا قازاقتىڭ ىرىم-جورالعىسى بويىن­شا نا­مازعا بارعان كىسىلەردىڭ بىرىنەن وعان قانىش يمانتاي ۇلىنىڭ ءبىر كوستيۋمىن, جەيدەسىن جانە گالستۋگىن بەرىپ جىبەرەدى. كوستيۋم مەن جەيدەنى اعايىن-تۋىستار «قانەكەڭنىڭ قاسيەتى جۇعىستى بولسىن» دەپ سۇراپ اكەتەدى دە, نۇرەكەڭنىڭ قولىندا گالستۋك قانا قالادى.

1983 جىلى نۇرمانبەك اعانىڭ قىزى قارلىعا سەردالينوۆا گالستۋكتى جەزقازعان قالاسىنداعى مۋزەيگە وتكىزەدى.

مىنە, سودان بەرى 40 جىلدان اسا ۋاقىت ءوتتى. قانىش اعا موينىنا تاققان ولشەمى 58ح9 سم بولاتىن, اق جولاقتارى بار قاراكوك گالستۋك جەزقازعان تاريحي-ارحەولوگيالىق مۋزەيىندە ساقتاۋلى تۇر.

جەزقازعان