جەلىدە 15 قاڭتار كۇنى الماتى قالاسىندا جويقىن جەر سىلكىنىسى بولادى دەگەن اقپارات تاراپ جاتىر. سەيسمولوگتار بۇل مالىمەتتىڭ ەشقانداي عىلىمي نەگىزى جوق ەكەنىن ايتتى, دەپ جازادى Egemen.kz»
تجم سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعى ديرەكتورىنىڭ ورىنباسارى نۇرسارسەن وزبەكوۆ بلوگەرلەردىڭ مالىمەتى جالعان ەكەنىن جاريالادى.
«بىلتىر دا 2023 جىلعا ارنالعان بولجامدىق كوميسسيانىڭ قورىتىندىسىن شىعاردىق, وعان سايكەس ماگنيتۋداسى 5,5 جانە ودان جوعارى بولاتىن جويقىن جەر سىلكىنىسى بولجانبادى. وزدەرىڭىز كۋا بولدىڭىز, بۇل بولجام راستالدى. قازىر الەۋمەتتىك جەلىلەردە 15 قاڭتاردا الماتىدا بولۋى مۇمكىن جويقىن جەر سىلكىنىسى تۋرالى اقپارات تاراپ جاتىر. بلوگەرلەردىڭ مۇنداي بولجامعا قالاي كەلگەنى بەلگىسىز, ويتكەنى ولاردا قانداي دا ءبىر بولجام جاساۋعا ارنايى تەحنيكا مەن تەحنولوگيا جوق. ءبىز ولاردىڭ مالىمدەمەسىن نەگىزسىز دەپ سانايمىز. حابارلاماعا نازار اۋدارۋدىڭ قاجەتى جوق. دۇربەلەڭگە نەگىز جوق», دەدى ن.وزبەكوۆ.