اقپان ايىنىڭ 11-25 كۇندەرى ارالىعىندا باحرەين ەلىنىڭ ماناما قالاسىندا قول دوبىنان (گاندبول) ەرلەر اراسىندا وتەتىن XXI ازيا چەمپيوناتىندا قازاقستان D توبىندا باحرەين, ءباا, گونكونگپەن كۇش سىناسادى, دەپ حابارلايدى Egemen.kz.
مينيسترلىككە قاراستى سپورتتى دامىتۋ ديرەكتسياسىنىڭ ءمالىم ەتۋىنشە, XXI ازيا چەمپيوناتىنا 16 ەلدىڭ قۇراماسى قاتىسادى. ناقتى اتاعاندا, قازاقستان, قاتار, كۋۆەيت, ومان, تايبەي, يران, وڭتۇستىك كورەيا, قىتاي, جاڭا زەلانديا, ساۋد ارابياسى, يراك, ءۇندىستان, جاپونيا, باحرەين, ءباا, گونكونگ كىم مىقتىنى انىقتايدى.
@sportqazaq دەرەگىنشە قازاقستان گاندبولشىلارى اراعا 29 جىل سالىپ ازيا چەمپيوناتىنا ەندى. وسىعان دەيىن ەلىمىزدىڭ قۇراماسى قۇرلىق دوداسىنا 1995 جىلى قاتىسىپ, 8-ورىن العان.