سۋ رەسۋرستارى جانە يرريگاتسيا مينيسترلىگى «قازاقستان عارىش ساپارى» ۇلتتىق كومپانياسىمەن بىرلەسىپ سۋ رەسۋرستارىنىڭ بىرىڭعاي اقپاراتتىق جۇيەسىن ازىرلەۋ بويىنشا جۇمىس جۇرگىزىپ جاتىر, دەپ حابارلايدى Egemen.kz.
ۆەدومستۆو مالىمەتىنشە اتالعان جۇيەدە ەلىمىزدەگى سۋ شارۋاشىلىعى نىساندارىنىڭ جاي-جاپسارى تۋرالى بارلىق اقپارات جيناقتالادى.
سونداي-اق جۇيە سۋ رەسۋرستارىنىڭ تۇتىنۋشىعا دەيىن ءبولىنۋىن جانە پايدالانىلۋىن باقىلاۋعا مۇمكىندىك بەرەدى.
سۋ رەسۋرستارىن تسيفرلاندىرۋدىڭ وتە ماڭىزدىلىعىن ايتقان سالا ءمينيسترى نۇرجان نۇرجىگىتوۆ: «قازىرگى ۋاقىتتا ەلىمىزدىڭ بىرنەشە وبلىسىندا يرريگاتسيا جەلىلەرىن تسيفرلاندىرۋ بويىنشا جۇمىس جۇرگىزىلىپ جاتىر. الداعى ۋاقىتتا تسيفرلاندىرۋ ەلەمەنتتەرىن جالپى اقپاراتتىق جۇيەگە ينتەگراتسيالاۋ جوسپارلانىپ جاتىر», دەدى.