سانالى ۇرپاق جارقىن بولاشاقتىڭ كورىنىسى

سۇحبات بارىسىندا ەلىمىزدىڭ تۇكپىر-تۇكپىرىندە ءبىلىم وشاقتارى, ونىڭ ىشىندە, مەكتەپتەردىڭ بوي كوتەرۋىنە باستى نازار اۋدارىلدى. بۇل cانالى ۇرپاقتىڭ جارقىن بولاشاعىنا دەگەن سەنىمنىڭ زور ەكەنىن اڭعارتادى. ەلىمىزدە اۋىلدىق جانە قالالىق ەلدى مەكەندەردە مەكتەپتەردىڭ بوي كوتەرۋى الەۋمەتتىك دامۋ مەن ەكونوميكالىق جەتىستىكتەرگە جەتۋدىڭ باستى جولى دەر ەدىم. ويتكەنى ءار ءتۇرلى وڭىرلەردە مەكتەپتەر سالۋ ءبىلىمنىڭ حالىق ءۇشىن قولجەتىمدى بولۋىن قامتاماسىز ەتەدى. بۇكىل ەلدە ءبىلىم بەرۋ ورتالىقتارىن قۇرۋ ەلدىڭ جالپى ىلگەرىلەۋى ءۇشىن وتە ماڭىزدى ادامي كاپيتالدىڭ دامۋىنا ىقپال ەتەدى. ءبىلىمدى ماماندار عىلىمعا, بىلىمگە, يننوۆاتسيالارعا, ەكونوميكالىق وسۋگە جانە ەلدىڭ جالپى دامۋىنا كوبىرەك ۇلەس قوسادى. سوندىقتاندا ەلىمىز ءۇشىن ءبىلىم مەن وقۋ ورتالىقتارىنىڭ دامۋى − باستى ءۇردىس.

تاعى دا ءبىر ەسكەرەتىن جاعداي مەملەكەت باسشىسى ۇلتتىق قوردان بالالارعا قارجى بەرۋ ماسەلەسىن رەتتەيتىن زاڭ كۇشىنە ەنگەنىن اتاپ ءوتتى. بۇل ۇرپاعىمىزدىڭ جالپى ءال-اۋقاتى مەن دامۋىنا ۇلكەن ىقپال ەتە الادى دەپ سەنەمىن. ويتكەنى ۇلتتىق قوردان بالالارعا قارجى بەرۋ ماسەلەسىن رەتتەيتىن زاڭ جاس بۋىن ءۇشىن ءبىلىم, دەنساۋلىق ساقتاۋ, تاماقتانۋ جانە باسپانانى قوسا العاندا, نەگىزگى قاجەتتىلىكتەرىن قاناعاتتاندىرۋ ءۇشىن ماڭىزدى.

سونىمەن قاتار ەلىمىزدە مەديتسينا قىزمەتكەرلەرىنىڭ, مەكتەپتە, كوللەدجدە جانە بالاباقشادا جۇمىس ىستەيتىن پەداگوگتەردىڭ جالاقىسى وسكەنى جالپى قوعامعا بىرنەشە وڭ اسەر ەتتى دەپ ويلايمىن. جالاقىلاردىڭ جوعارىلاۋى مەملەكەتتىك قىزمەت كورسەتۋدىڭ جالپى جاقسارۋىنا ىقپال ەتىپ, قوعامنىڭ دەنى ساۋ جانە ءبىلىمدى ازاماتتاردىڭ قالىپتاسۋىنا ىقپال ەتەدى.

مەملەكەت باسشىسى بۇگىندە قازاقستان مەن قىتايدىڭ قارىم-قاتىناسى دوستىق, كورشىلىك جانە ماڭگىلىك ستراتەگيالىق سەرىكتەستىك رۋحىندا قارقىندى دامىپ كەلەتىنىن, سونىمەن قاتىر قازاقستان مەن قىتاي اراسىنداعى ىنتىماقتاستىقتىڭ جاڭا «التىن وتىز جىلدىعىنا» قادام باسقانىمىزدى اتاپ ءوتتى. وسى ورايدا كورشىلەس قىتاي ەلىمەن وتانىمىزدا بىرنەشە وقۋ ورىندارىنىڭ, ونىڭ ىشىندە ساتباەۆ ۋنيۆەرسيتەتى مەن گونكونگ قالالىق ۋنيۆەرسيتەتى يننوۆاتسيالىق ستراتەگيالىق سەرىكتەستىك قۇرۋ تۋرالى كەلىسىمگە قول قويعانىن ايتا كەتۋىمىزگە بولادى. بولاشاقتا ەكى ۋنيۆەرسيتەت اراسىنداعى ىنتىماقتاستىق قارىم-قاتىناس اياسىندا ينجەنەريا جانە جاساندى ينتەللەكت سالالارى بويىنشا جوعارى بىلىكتى مامانداردى دايارلاۋ جوسپارلانىپ وتىر. سونىمەن قاتار حالىقارالىق باعدارلامالار بويىنشا ستۋدەنتتەر ەكى ەل اراسىندا عىلىم جانە ءبىلىم بويىنشا تاجىربيە الماسۋعا ۇلكەن مۇمكىندىك تۋىپ وتىر.

جالپى, مەملەكەت باسشىسى قاسىم-جومارت توقاەۆتىڭ «Egemen Qazaqstan» گازەتىنە بەرگەن سۇحباتىنىڭ ءتۇيىنى ەلىمىزدەگى نەگىزگى باسىمدىقتار مەن باستامالاردى ايقىنداي وتىرىپ, جارقىن بولاشاقتى جۇزەگە اسىرۋعا بىرلەسە وتىرىپ بەلسەندى ۇلەس قوسۋعا قوعامعا ايتارلىقتاي وي سالدى دەپ ويلايمىن. 

اياز بەلقوجاەۆ,

ساتباەۆ ۋنيۆەرسيتەتىنىڭ

حيميالىق جانە بيوحيميالىق ينجەنەريا

كافەدراسىنىڭ اعا وقىتۋشىسى,

جاراتىلىستانۋ عىلىمدارىنىڭ ماگيسترى