قاڭتار وقيعاسىنىڭ حرونولوگيالىق مالىمەتتەرى مەن اقيقاتىن ايقىنداپ بەرگەن دەرەكتى فيلم جارىققا شىقتى. ەلىمىزدەگى تەلەارنالار 2022 جىلعى قاڭتارداعى قايعىلى وقيعالار تۋرالى جاڭا دەرەكتى ءفيلمدى كورسەتتى. فيلمدە ءار كۇن مەن ءار ساعات نەگىزىندە قازاقستانداعى قالالاردىڭ كوشەلەرىندە وقيعالاردىڭ قالاي وربىگەنى, داعدارىس قالاي ەڭسەرىلگەنى تۋرالى نەگىزگى شەشىمدەردىڭ قالاي جانە قاشان قابىلدانعانى كورسەتىلگەن, دەپ جازادى Egemen.kz اقپارات جانە مادەنيەت مينيسترلىگىنىڭ ءباسپاسوز قىزمەتىنە سىلتەمە جاساپ.
جاڭا دەرەكتى فيلمدە قاڭتار تراگەدياسى وقيعالارىنىڭ ەكسكليۋزيۆتى قۇجاتتارى, فوتو جانە بەينەماتەريالدارى كورسەتىلگەن. كورەرمەندەرگە 2022 جىلدىڭ قاڭتارىندا بولعان وقيعانىڭ تولىق بەينەسى ۇسىنىلدى.
دەرەكتى فيلمدە ەلدىڭ 11 وڭىرىندە ميتينگىلەر ۇيىمداستىرىلعانى كورسەتىلگەن. سونىمەن قاتار وسى اۋداندار مەن قالالاردا بەيبىت الەۋمەتتىك نارازىلىقتار مەملەكەتتىك بيلىكتى قۇلاتۋ ءۇشىن ەكسترەميستىك تالاپتارمەن جاپپاي بۇزاقىلىقتارعا ۇلاستى. قاستاندىق جاساۋشىلاردىڭ باستى ارەكەتى جانجالدى قوزدىرۋعا باعىتتالعان ەدى.
دەرەكتى فيلم قاسكويلەر بولجامداعان ستسەناري بويىنشا وقيعالاردىڭ 4 تولقىنىن كورسەتەدى:
1-تولقىن. بەيبىت ميتينگىلەر.
1-3 قاڭتاردا بەيبىت ميتينگىلەر ءوتتى (ەلدىڭ بىرقاتار وڭىرىندە).
ماقساتى – ارانداتۋشىلار مەن سودىرلاردى كوپشىلىك اراسىنا ەنگىزۋ ءۇشىن حالىقتى كوشەگە شىعارۋ.
2-تولقىن. تارتىپسىزدىكتەر, قيراتۋ, ورتەۋ.
4-5 قاڭتاردا ىسكە اسىرىلدى ء(ىشىنارا بىرقاتار وڭىردە, تولىعىمەن الماتىدا).
ماقساتى – حاوس پەن تارتىپسىزدىك اتموسفەراسىن قۇرۋ, توناۋدى ۇيىمداستىرۋ, قارۋ-جاراق دۇكەندەرىن باسىپ الۋ, ورتەنگەن كولىكتەردەن بارريكادالار جاساۋ.
3-تولقىن. عيماراتتاردى باسىپ الۋ: اكىمشىلىك, كۇشتىك قۇرىلىمدار, باق, كولىك (اۋەجاي) جانە اقپاراتتىق (باق, تەلەۆىشكا) كوممۋنيكاتسيالار. كەپىلگە الۋ, بيلىك وكىلدەرىنە قاتىستى قوعامدىق زورلىق-زومبىلىق.
5-6 قاڭتاردا ىسكە اسىرىلدى ء(ىشىنارا الماتىدا).
ماقساتى – حالىق اراسىندا قورقىنىش پەن دۇربەلەڭ, ۇرەي تۋعىزۋ, زاڭدى بيلىكتىڭ دارمەنسىزدىگىن كورسەتۋ. سونىمەن بىرگە اكىمدىكتەرگە, پوليتسياعا, باق-قا, اۋەجايلارعا جانە ت.ب. سيمۆوليكالىق تۇردە باقىلاۋ وزدەرىندە ەكەنىن كورسەتۋ.
4-تولقىن. سيريالىق ستسەناري.
ىسكە اسىرىلعان جوق.
«ۇيىقتاپ جاتقان» راديكالدى جاساقتاردىڭ كوتەرىلۋى. شەتەلدىك سودىرلاردى تارتۋ. ماقساتى – ەل بويىنشا جەكەلەگەن بانديتتىك جانە تەرروريستىك انكلاۆتار قۇرۋ. جەكەلەگەن ايماقتاردا بيلىكتى باسىپ الۋ.
قانتار بۇكىل ەلدى ءدۇر سىلكىندىردى, بۇل كەزەڭ بيلىكتى باسىپ الۋ ماقساتىندا اۋقىمدى مەملەكەتتىك توڭكەرىستىڭ الدىن-الا مۇقيات جوسپارلانعان ارەكەتى رەتىندە تاريحقا ەندى.