«مايقايىڭالتىن» اق التىن كەنىشىندەگى ويىققا ءتۇسىپ كەتكەن اۆتوبۋس جولاۋشىلارىنىڭ ەكەۋىنىڭ ءمايىتى تابىلدى, دەپ حابارلايدى Egemen.kz.
«ويىققا قۇلاپ كەتكەندەردى قۇتقارۋ جۇمىستارى جالعاسىپ جاتىر. اۆتوبۋستىڭ ءوزى ازىرگە تابىلعان جوق. وپىرىلىپ تۇسكەن توپىراق اراسىنان 2 ادامنىڭ ءمايىتى تابىلدى. ولاردى جوعارىعا كوتەرۋ جۇمىستارى جۇرگىزىلىپ جاتىر. كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى پاۆلودار فيليالى قايتىس بولعان ازاماتتاردىڭ وتباسىلارىنا قايعىرىپ كوڭىل ايتادى. بۇل قايعىلى وقيعا قابىرعامىزدى قايىستىردى», دەلىنگەن اتالعان ۆەدومستۆونىڭ حابارلاماسىندا.
ەسكە سالايىق, بۇعان دەيىن پاۆلوداردا جولاۋشىلار مىنگەن اۆتوبۋس ويىققا قۇلاپ كەتكەنىن حابارلاعان ەدىك. اپات كەزىندە اۆتوبۋستا 4 ادام بولعان.