ۇلىتاۋ وبلىسىنىڭ تۇرعىنى بوراندا اداسىپ كەتىپ 10 ساعاتتان كەيىن تابىلدى, دەپ حابارلايدى Egemen.kz ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
«2 قاڭتاردا ساعات 17.00-دە ول ءوزىنىڭ اۋىلىنا جاياۋ شىعىپ, قىزدارىن جاڭا جىلمەن مۇمكىندىگىنشە تەزىرەك قۇتتىقتاعىسى كەلگەن. اۋا رايىنىڭ قولايسىزدىعىنان اداسىپ كەتىپ, تۇستەن كەيىن بوران باستالىپ, اياز كۇشەيە ءتۇستى. حابارلاما تۇسكەن بويدا پوليتسيا بولىمىمەن ىزدەۋ شارالارى ۇيىمداستىرىلدى.
اداسقان اۋىل تۇرعىنىن ىزدەۋگە جاڭاارقا اۋدانى پوليتسيا ءبولىمىنىڭ بارلىق جەكە قۇرامى, تجب قىزمەتكەرلەرى جانە س.سەيفۋللين اۋىلىنىڭ تۇرعىندارى جاپپاي كىرىستى. سونداي-اق تەحنيكا, جول تالعامايتىن كولىكتەر, قاردا جۇرەتىن كولىكتەر تارتىلدى. ءساتتى ۇيىمداستىرىلعان ىزدەستىرۋ شارالارى ناتيجەسىندە تۇنگى ساعات 03.00 شاماسىندا ەر ادام س.سەيفۋللين اۋىلىنان 40 شاقىرىم قاشىقتىقتا تابىلدى. ونىڭ ايتۋىنشا, بوران باستالعاننان كەيىن ول جول باعدارىن جوعالتىپ, اداسىپ كەتكەن», دەپ جازىلعان اقپاراتتا.
قارلى بوراندا باعدارىنان اداسقان تۇرعىن توقتاۋسىز 10 ساعات جۇرگەندىكتەن دە ايازعا ۇرىنباعان. دارىگەرلەر ونىڭ دەنساۋلىق جاعدايىن قاناعاتتانارلىق دەپ وتىر.