اتىراۋ وبلىسىندا جول اپاتىنان ەكى ادام كوز جۇمىپ, بەسەۋى اۋرۋحاناعا جەتكىزىلدى, دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ۆەدومستۆو مالىمەتىنشە وقيعا كەشە بولعان. جىلىوي اۋدانىندا ساعات 14:27 شاماسىندا قۇلسارى - سارقامىس تاسجولىنىڭ 4-شاقىرىمى تۇسىندا ەكى كولىك سوقتىعىسقان. جول اپاتىنا ۇشىراعان كولىكتىڭ ءبىرى – ۆاز-2115, ەكىنشىسى – Lada Largus.
«ەكى ادام وقيعا ورنىندا كوز جۇمدى. بارلىعى ۆاز-2115 اۆتوكولىگىندە بولعان. ولار – 39 جاستاعى جۇرگىزۋشى مەن جولاۋشى. ال Lada Largus-ءتىڭ 39 جاستاعى جۇرگىزۋشىسى مەن 4 جولاۋشىسى اۋرۋحاناعا جەتكىزىلدى», دەلىنگەن حابارلامادا.
قازىر پوليتسەيلەر جول اپاتىنىڭ سەبەبىن انىقتاۋ ءۇشىن تەرگەۋ جۇمىستارىن جۇرگىزىپ جاتىر.