تۇركى جۇرتىنىڭ تاعىلىمدى تويى

وسى ورايدا كۇنى كەشە عانا ۇلتتىق اكادەميالىق كى­تاپحانادا تۇركى اكا­دەميا­سى­نىڭ ۇيىم­داس­تىرۋىمەن «با­ۋىر­لاستىق تامىرى: تۇل­عالار عيبراتى» اتتى حا­لىق­ارالىق كون­فەرەنتسيا ءوتتى. القالى جيىن­­عا بەلگىلى مەملەكەت جانە قوعام قايراتكەرلەرى, ديپ­­لو­ماتيالىق ميسسيا باسشى­لا­رى, تانىمال عالىمدار مەن زيا­­­لى قاۋىم وكىلدەرى قاتىستى.

تاعىلىمدى ءىس-شارا اياسىندا بەل­گىلى تاريحشى افەت يناننىڭ قازاق تىلىنە العاش رەت اۋدارىلىپ باسىل­­عان «اتا­­تۇرىكتى ەسكە العاندا» ەڭبە­گى­­نىڭ, كەمەڭ­گەر كوشباسشى گەي­دار اليەۆ­تىڭ قىزمەت ات­قار­­عان جىلدارىنان سىر شەر­تەتىن «Karizmatik Lider Parlak Şahsiyet Haydar Aliyev» («ۇلت كوشباسشىسى, جار­قىن تۇلعا گەيدار اليەۆ»), قازاق دەتەكتيۆ جانرىنىڭ نەگى­زىن سالۋشى كەمەل توقاەۆ تۋرالى «Kemel Tokayev: Bir Kalem Ustasinin Yaşam Öyküsü» («كەمەل توقاەۆ: قا­لام­گەردىڭ ءومىر جولى») كىتاپتارىنىڭ تۇساۋكەسەر ءراسىمى ءوتتى.

جيىن بارىسىندا تۇر­كى اكا­دەمياسى­­نىڭ پرە­زيدەنتى شاھين مۇس­تا­­فاەۆ, پارلامەنت سەنا­تىنىڭ دەپۋتاتى دارحان قىدىر­الى, Tۇركى مەملەكەتتەرى ۇيىمى اقساقالدار كەڭەسىنىڭ مۇشەسى گاسان گاسانوۆ, مەملەكەت جانە قو­عام قايراتكە­رى ءادىل احمەت, تۇركيا رەس­­پۋبليكاسىنىڭ قا­زاق­ستان رەسپۋب­ليكاسىنداعى تو­تەنشە جانە وكىلەت­تى ەلشىسى مۇس­تافا كاپۋدجۋ, قىرعىز رەس­پۋبليكاسىنىڭ بۇرىنعى مەم­لە­كەتتىك حاتشىسى, قىرعىز رەس­پۋبليكاسى ۇلتتىق عى­لىم­دار اكا­دەمياسىنىڭ اكادە­ميگى وسمو­ناكۋن يبرايموۆ, ۇلىقبەك اتىن­داعى وزبەكستان ۇلتتىق ۋني­ۆەرسيتەتىنىڭ پروفەسسورى ناسيم­حون راحمونوۆ ءسوز سويلەدى.

ءوز سوزىندە ش.مۇستافاەۆ تۇركى الە­­مىنىڭ كورنەكتى تۇل­عا­لارىن ناسي­حاتتاۋدىڭ ماڭىزى زور ەكە­نىن اتاپ ءوتتى. «باۋىرلاس حالىق­تارىمىزداعى تۇعىرلى تۇلعا­لار­دىڭ ءومىر جولدا­رىنداعى ءبىر-بىرىمەن تابىساتىن تۇستار ءبىزدىڭ ورتاق وتكەنىمىزگە ارقاۋ بولىپ تابىلادى. ولاردىڭ تالايلى تاع­دىرلارىنىڭ ارناسىندا ءبىزدىڭ حا­لىق­تارىمىزدىڭ «تار جول تايعاق كەش­كەن» تاريحي جو­لى بەينەلەنگەن. وسى تۇرعىدان العاندا, كورنەكتى تۇل­عا­لاردىڭ ءومىربايانى تاريحتىڭ ەڭ تاڭ­داۋلى وقۋلىعى ىسپەتتى», دەدى اكادەميا باسشىسى.

سەنات دەپۋتاتى دارحان قى­­دىرالى كوپشىلىك نازارىنا ۇسى­­­نىلعان كىتاپتار تۋرالى پا­­­يىم­دى پىكىرلەرىمەن ءبولى­سىپ, اكا­­دەميانىڭ تۇعىرلى تۇل­عا­لار­دى ناسيحاتتاۋ باعى­تىنداعى جۇمىستاردى تابىستى جۇرگىزىپ كەلە جاتقانىن اتاپ ءوتتى.

Tمۇ اقساقالدار كەڭە­سى­نىڭ مۇشەسى گاسان گاسانوۆ ازەر­­باي­جاننىڭ جالپى­ۇلت­تىق كوش­باس­شىسى گەيدار اليەۆ­پەن قىز­مەتتەس بولعان جىل­دار وقيعا­لا­رى مەن ەستە­لىك­تەرىن ورتاعا سا­لىپ, ونىڭ باۋىر­لاس حالىقتاردى جا­قىن­­داس­تىرۋداعى ءرولى تۋرالى باياندادى.

ەلشى مۇستافا كاپۋدجۋ Tۇر­­كيا رەسپۋبليكاسى قۇرى­لۋى­نىڭ عاسىرلىق مەرەيتويى­نا ارنالعان ماڭىزدى ءىس-شارا­لار­دىڭ ءوتىپ جاتقانىن اتاپ ءوتىپ, وسى ورايدا اكادەميا تاراپى­نان ۇيىم­داستىرىلعان بۇل باس­قوسۋدىڭ جوعارى دەڭ­گەيدە وتكە­نىنە زور ريزا­شىلىعىن ءبىلدىردى.

ۇلىقبەك اتىنداعى وزبەك­ستان ۇلت­تىق ۋنيۆەرسيتەتى­نىڭ پروفەسسو­رى ناسيمحون راحمونوۆ كەمەل توقاەۆ­تىڭ قازاق ادەبيەتىندە دەتەكتيۆ جان­رىنىڭ نەگىزىن قالاعان جازۋشى ەكەنىنە توقتالىپ, ونىڭ تۋىندىلارى وزبەك ادەبيەتىندە دە اتالعان جانر­دىڭ قالىپ­تاسۋىنا ىقپال ەتكەنىن ايتتى.

«اتا­تۇرىكتى ەسكە العاندا» دەپ اتالاتىن ەس­تەلىكتەر توپتاماسى – افەت ينان­نىڭ تۇرىك تاريحى قوعامى 2021 جىلى جارىققا شىعارعان «Kemal Atatürk’ü Anarken» ات­تى كىتا­بىنىڭ قازاق تىلىنە ال­عاش اۋدارىلعان نۇسقاسى. كى­تاپقا زيالى تۇرىك ايەلدەر قاۋى­مىنىڭ كورنەكتى وكىلى افەت ينان حانىمنىڭ تۇركيا رەس­­پۋبليكاسىنىڭ نەگىزىن قالا­عان تۇلعا مۇستافا كەمال اتا­تۇرىك تۋرالى ەستەلىكتەرى مەن وي-تولعامدارى جيناقتالىپ بەرىلگەن.

ازەربايجان رەسپۋبليكا­سى­­نىڭ بۇرىنعى پرەمەر-ءمينيسترى, مەملە­كەت جانە قوعام قايراتكەرى, تمۇ اقسا­قالدار كەڭەسىنىڭ مۇ­شەسى گاسان گاسا­نوۆتىڭ «ۇلت­تىق كوشباسشى, جارقىن تۇل­عا – گەيدار اليەۆ» (تۇرىك تى­لىن­دە) اتتى سۇحبات جانرىنا قۇ­­رىلعان كىتابى گەيدار اليەۆ­تىڭ تاۋەلسىزدىك جىلدارى قار­سا­ڭىنداعى قىزمەتى كەزەڭدەرى تۋ­رالى ەستەلىكتەرىن ارقاۋ ەتكەن.

ال «كەمەل توقاەۆ: ادە­بيەت­­شىنىڭ ءومىر جولى» (تۇرىك تىلىندە) جيناعىنىڭ ال­عاش­قى تاراۋى ەل پرەزيدەنتى قاسىم-جومارت توقاەۆتىڭ الەمنىڭ بىرقاتار تىلىندە جا­رىق كورگەن «اكە تۋ­رالى وي-تولعاۋ» اتتى مەمۋا­رىمەن باستا­لادى, كەيىنگى بولىم­دەر­دە تۇركى الە­مىنىڭ بەلگىلى ادە­بيەتشىلەرىنىڭ, كوپ­تەگەن قازاق قالامگەرلەرى مەن قو­عام قايراتكەرلەرىنىڭ كەمەل توقاەۆ تۋرالى ەستەلىكتەرى, پىكىر­لەرى بەرىلگەن.