كەلەسى جىلدىڭ 19 قاڭتارى مەن 1 اقپان ارالىعىندا وڭتۇستىك كورەيانىڭ كانىن قالاسىندا جاسوسپىرىمدەردىڭ قىسقى وليمپياداسىنىڭ جالاۋى جەلبىرەيدى.
تۋريزم جانە سپورت مينيسترلىگىنىڭ ءباسپاسوز قىزمەتى تاراتقان مالىمەت بويىنشا جەرلەستەرىمىز وسى كۇنگە دەيىن 30 ليتسەنزياعا يەلىك ەتكەن ەكەن. سپورتشىلارىمىز بياتلون, كونكي, ترامپليننەن سەكىرۋ, شورت-ترەك, شايبالى حوككەي, شاڭعى, كەرلينگ, شاڭعى قوسسايىسى, فريستايل جانە تاۋ شاڭعىسىنان سايىسقا تۇسەدى. ىرىكتەۋ تۋرنيرلەرى ءالى اياقتالماعاندىقتان الداعى ۋاقىتتا جولدامالار سانى ارتا ءتۇسۋى دە مۇمكىن.
جاسوسپىرىمدەردىڭ قىسقى وليمپياداسىنا 50 مەملەكەتتەن كەلگەن 1 800 جاس ورەن قاتىسادى دەپ كۇتىلىپ وتىر. ولار سپورتتىڭ جەتى ءتۇرى بويىنشا 81 جۇلدە جيىنتىعىن ساراپقا سالادى.