فۋتزالدان قازاقستان قۇراماسى ا توبىندا سىنعا ءتۇستى. ىرىكتەۋ كەزەڭىنىڭ 6 ويىنىن دا جەڭىلمەگەن ۇلتتىق قۇراما 2024 جىلعى الەم چەمپيوناتى ىرىكتەۋ كەزەڭىنىڭ قورىتىندىسىندا ەۋروپاداعى ۇزدىك كوماندا دەپ تانىلدى, دەپ جازادى Egemen.kz.
20 جەلتوقسان كۇنى ەل قۇراماسى رۋمىنيامەن كەزدەسىپ, 2:0 ەسەبىمەن جەڭىسكە جەتتى. وسىلايشا فۋتزالدان قازاقستان قۇراماسى ىرىكتەۋ كەزەڭدەرىندە جەڭىلمەگەن جالعىز كوماندا بولدى. بۇل ويىندا شىڭعىس ەسەنامانوۆ 8, ءبىرجان ورازوۆ 26-مينۋتتا قارسىلاس قاقپاسىنان ساڭىلاۋ تاپتى.
بۇعان ريكاردو كاكا شاكىرتتەرى رۋمىنيانى 4:3, ەكى مارتە نيدەرلاندتى 2:0, 2:0, ازەربايجاندى 4:2, 3:2 ەسەبىمەن تىزە بۇكتىرگەن ەدى.
التى تۋردان كەيىن 18 ۇپاي جيناعان قازاقستان قۇراماسى تۋرنير كەستەسىندە كوش باستادى. قازاقستان قۇراماسى الەم چەمپيوناتىنىڭ جولداماسىنا ءبىر تۋر بۇرىن قول جەتكىزدى. فۋتزالدان الەم چەمپيوناتىنىڭ ىرىكتەۋ كەزەڭىندە بۇل كورسەتكىشتى باسقا ەشبىر كوماندا قايتالاي المادى. ەكىنشى ساتىدا ۇزدىك قورىتىندىنى 16 ۇپاي, 5 جەڭىس, 1 تەڭ ناتيجەمەن يسپانيا, فرانتسيا قۇراماسى كورسەتتى.