ارالاس جەكپە-جەكتەن اقش-تىڭ لاس-ۆەگاس قالاسىندا وتكەن تۋرنيردە جەرگىلىكتى سپورتشى ستيۆ تومپسوندى ۇتقاننان كەيىن شاۆقات راحمونوۆ UFC-دەگى رەيتينگىن جاقسارتتى.
29 جاستاعى قانداسىمىز اتالعان جارىسقا دەيىن جارتىلاي ورتا سالماقتاعى فايتەرلەردىڭ رەيتينگىندە بەسىنشى ورىندا تۇرعان. ال كەيىنگى جارقىن جەڭىسىنەن كەيىن راحمونوۆ ەكى ساتىعا جوعارلاپ, قازىرگى كەزدە ءۇشىنشى ورىندى ەنشىلەۋدە. ونىڭ الدىندا – تەك 36 جاستاعى كامارۋ ۋسمان مەن 35 جاستاعى بەلال مۇحامماد. ولار اقش-تىڭ تۋى استىندا ونەر كورسەتكەنىمەن, ەكەۋىنىڭ دە شىققان تەگى مۇلدەم باسقا. اتاپ ايتساق, ۋسمان نيگەريانىڭ اۋچي قالاسىندا تۋىپ ءوستى, ال بەلالدىڭ اتا-انالارى – پالەستينانىڭ تۋمالارى.
ازىرگە بۇل سالماقتىڭ چەمپيوندىق اتاعى لەون ەدۆارسقا تيەسىلى. يامايكادا دۇنيەگە كەلگەن 32 جاستاعى «روككي» بۇگىنگى تاڭدا ۇلىبريتانيادا تۇرىپ جاتىر جانە دە سول ەلدىڭ نامىسىن قورعاۋدا.